Ավագ լեյտենանտի զոհվելուց մեկ ամիս անց ծնվել է նրա դուստրը․ տեսանյութ

Լուսանկարում՝ հերոս Հրաչ Գալստյանի կինն է, ամուսնու շիրմաքարի մոտ, 2017 թ.

Մեր ժամանակների հերոս ավագ լեյտենանտ Հրաչ Գալստյան. 2016 թվականի ապրիլյան պատերազմի առաջին օրերին հերոսաբար զոհվածներից էր նաեւ գյումրեցի ավագ լեյտենանտ Հրաչ Գալստյանը: 2018-ի մարտի 20-ին նա կդառնար 28 տարեկան: Ավագ լեյտենանտ Գալստյանը պատերազմական գործողությունների ժամանակ եղել է Թալիշի պաշտպանական սահմաններին՝ զոհվել է հակառակորդի ականի պայթյունից: ՀԺ-ի հետ զրույցում Ավագ լեյտենանտ Գալստյանի զինվորներից մեկը հրամանատարի եւ զինվորների զրույցը վերհիշելիս պատմեց.

«Մեզ հաջողվել էր հասնել եւ գրավել դիրքերից մեկը, որտեղ էլ զոհվեց Հրաչ Գալստյանը: Նա մեզ դիրքավորեց, տեսավ, որ մեզ մոտ նորմալ է, գնաց մյուս զինվորների մոտ: Այդ ընթացքում ադրբեջանական ական պայթեց ու նա զոհվեց»:

Գալստյանների վիշտը սփոփել հաջողվում է միայն Հրաչի եւ Անուշի դստերը՝  Անահիտին: Նա ծնվել է Հրաչի զոհվելուց մեկ ամիս հետո: Մեկ տարի առաջ՝ Հրաչի ծննդյան օրը, ծնվել է Հրաչի եղբոր որդին, ում հերոս հորեղբոր պատվին Հրաչ են կոչել:

Հրաչ Գալստյանը ծնվել է 1991 թվականին, Գյումրիում: Դպրոցն ավարտելուց հետո 2003 թվականին ընդունվել է Վազգեն Սարգսյանի անվան ռազմական ինստիտուտ: 2007 թվականին ավարտելով ինստիտուտը ծառայության է անցել Արցախի Մարտակերտի շրջանի՝ Թալիշ գյուղում: Հրաչ Գալստյանն ապրիլի 2-ի լույս ապրիլի 3-ի գիշերը, թեժ մարտերի ընթացքում ժամեր շարունակ կռվելով հակառակորդի դեմ զոհվել է հերոսի մահով: Հետմահու արժանացել է «Մարտական ծառայության» եւ «Արիության» մեդալների:

Այս թեմայով Ով է հայտնի լուսանկարի տղան ու ինչով է այժմ զբաղվում Ռուսաստանի հետևությունը քառօրյայից. ամբողջ պատկերն ու մասշտաբը Զոհված զինվորի եղբայրն իր սահմանած ռեկորդը նվիրեց քառօրյա պատերազմի զոհերին (լուսանկարներ) «Հանկարծ գոռաց` հրամանատար, սրանք «դավադիտ» արին, մտնում եմ, փրթեմ…» Քառօրյայում ոտքերը կորցրած Դավիթի նշանդրեքի արարողությունը (տեսանյութ)