Nestle-ն կտրուկ փոփոխություններ է կատարել շոկոլադի բաղադրության մեջ

Nestle ընկերությունը արտադրել է նոր տեխնոլոգիայով աշխարհում առաջին շոկոլադե բատոնը, որը թույլ է տալիս զգալիորեն կրճատել շաքարի օգտագործումը։

Նոր բանաձևերը փորձարկվել են սպիտակ շոկոլադե Milkybar Wowsomes բատոնների վրա, – ասվում է Nestle-ի հաղորդագրության մեջ։

Ընկերությունում ասում են, որ նորույթի մեջ շաքարի պարունակությունը 30%-ով ավելի քիչ է սովորականից, իսկ արհեստական քաղցրացուցիչները բացակայում են։ Ընդ որում, այլ բնական բաղադրիչների ավելացման հաշվին՝ բատոնների կալորիականությունը նվազել է ընդամենը 3%–ով։

Այսպես կոչված «կառուցվածքային շաքարը», որի ստացման մասին Nestle-ն հաղորդել էր դեռևս 2016 թվականին, բերանում արագ հալվում է, խաբելով համային ռեցեպտորներին։

Nestle-ն այս էֆեկտը համեմատում է քաղցր բամբակի հետ։ Սրա շնորհիվ շոկոլադում դրա քանակությունը կարող է բավական ցածր լինել, քան սովորական շաքարի դեպքում, իսկ մթերքի համային հատկությունները չեն փոփոխվում։

Նոր Milkybar Wowsomes–ը վաճառքի կհանվի Մեծ Բրիտանիայում և Իռլանդիայում հաջորդ շաբաթ։ Այն ավելի թանկ է լինելու ավանդական տարբերակից։

Այս թեմայով Մուգ շոկոլադի ևս մեկ զարմանահրաշ հատկություն է բացահայտվել Գիտնականները հայտնել են՝ որ շոկոլադն է օգտակար առողջության համար․ Միֆեր շոկոլադի մասին, որոնց պետք չէ հավատալ Որակյալ, թե անորակ շոկոլադ եք ուտում․ ինչպես պարզել / տեսանյութ Ինչպես են ճապոնացիք լոգանք ընդունում տաք շոկոլադի մեջ. տեսանյութ