Ոտքերի մկանների սպազմի պատճառները բազմաթիվ են։ Վերջինս կարող է առաջանալ սխալ սննդակարգի հետևանքով։ Խոսքն այն սննդակարգի մասին է, որում չկան օրգանիզմի համար անհրաժեշտ ածխաջրերն ու այլ քիմիական տարրերը։ Օրվա ընթացքում քիչ քանակությամբ ջուր խմելը ևս կարող է պատճառ հանդիսանալ ոտքերի մկանների սպազմի, քանի որ այդ ժամանակ խախտվում է օրգանիզմում ջրի բալանսը։ Խոսքը պարզ ջրի մասին է, քանի որ քաղցր հեղուկներ, թունդ սուրճ, սև թեյ, էներգետիկ ընպելիքներ և ալկոհոլային ըմպելիքներ օգտագործելը ևս կարող է հանգեցնել ոտքերի մկանների սպազմի։ Մարզվելիս օրգանիզմը չափից դուրս ծանրաբեռնելու հետևանքով ևս կարող է մկանային սպազմ առաջանալ։ Անհարմարավետ կոշիկ կրելը, երկար ժամեր ոտքի վրա անցկացնելը ևս կարող են հանգեցնել մկանային սպազմի ։
Կան նաև մի շարք այլ պատճառներ ևս։ Խոսքը հիվանդությունների մասին է, ինչպիսիք են երակների վարիկոզային լայնացումը, նյութափոխանակության խափանումն ու ճարպակալումը, վահանաձև գեղձի ախտահարումը, հիպոթիրեոզը, ողնաշարի հիվանդությունները և նյարդաբանական հիվանդությունները։
Ոտքերի մկանային սպազմի ժամանակ անհրաժեշտ է հատուկ վարժություններ կատարել, որոնք կթուլացնեն մկանների լարվածությունը։ Խորհուրդ է տրվում նաև ոտքերը մերսելը։ Հնարավորության դեպքում խորհուրդ է տրվում ոտաբոբիկ քայլել խոտերի մեջ։
Ամեն դեպքում խորհուրդ է տրվում միշտ ընտրել հարմարավետ կոշիկ, քանի որ այն թույլ չի տա, որպեսզի ոտքի մկանները ձգվեն։
Նստակյաց կյանքի զարհուրելի հետևանքները
1
2
3
4
5
4
5
2
4
