Զգուշացում Քննչական կոմիտեից․ մարդկանց սոցցանցերի անձնական նամակագրությունը կարդալն ու օգտագործելը քրեորեն հետապնդելի է

ՀՀ Քննչական կոմիտեի նախագահի խորհրդական Սոնա Տռուզյանն արձանագրում է, որ վերջին շրջանում ավելի հաճախակի են դարձել տարբեր օգտատերերից ստացվող բողոքներն առ այն, որ սոցիալական ցանցերում գտնվող իրենց անհատական էջերին հասանելիություն են ստացել այլ անձինք, ծանոթացել իրենց անձնական նամակագրությանը, փոխել գաղտնաբառը։

Սոնա Տռուզյանը «Ֆեյսբուք» սոցիալական ցանցի իր էջում հարկ է համարել տեղեկացնել, որ այսօրինակ գործողություններն իրենց մեջ պարունակում են հանցագործության հատկանիշներ։

«Համակարգչում, համակարգչային համակարգում, ցանցում կամ մեքենայական կրիչների վրա պահվող տեղեկատվությունն առանց թույլտվության պատճենահանելը կամ այլ կերպ դրան ապօրինի տիրանալը կամ համակարգչային կապի միջոցների օգտագործմամբ հաղորդվող տեղեկատվությունը որսալը քրեորեն հետապնդելի արարք է, որի համար քրեական պատասխանատվություն է նախատեսված ՀՀ քրեական օրենսգրքի 254-րդ հոդվածով»,- գրել է ՀՀ քննչական կոմիտեի նախագահի խորհրդականը։

Այս թեմայով Սոցցանցերը սպանում են հարաբերությունները․ 5 ծանրակշիռ պատճառ Ցնցող դեպք․ ամուսինը սիրային նամակներ է ստանում 1 տարի առաջ մահացած կնոջից Գիտնականները հաստատել են, որ սոցցանցերից դուրս գալը մարդուն ավելի երջանիկ է դարձնում Ինչպես են սոցցանցերը ազդում ձեր պահվածքի վրա Ֆեյսբուքը ստուգում է անձնական նամակները