Նախագահը «մահապարտ» սարքեց ևս մեկին

Լրագիր | Պաշտոնական տեղեկություն է տարածվել, որ Հայկազ Բաղմանյանը Սերժ Սարգսյանի հրամանագրով նշանակվել է ՀԱՊԿ միացյալ շտաբի պետի տեղակալ: Հայկազ Բաղմանյանը Հայաստանի ԶՈՒ շտաբի պետի տեղակալն էր, սակայն հեռացվեց պաշտոնից պաշտպանության նախարար Վիգեն Սարգսյանի պահանջով, ով հայտարարեց, թե նա պատշաճ չի կատարում աշխատանքային պարտականությունը:
Ստացվում է, որ աշխատանքային պարտականությունը ոչ պատշաճ կատարող ՀՀ ԶՈՒ գլխավոր շտաբի պետի տեղակալը նշանակվում է ՀԱՊԿ Միացյալ շտաբի պետի տեղակալ: Հետեւաբար, կամ ՀԱՊԿ Միացյալ շտաբի պետի տեղակալի պաշտոնը Հայաստանի համար ոչինչ է եւ Սերժ Սարգսյանին այդ պաշտոնում պետք չէ պատշաճ աշխատող գեներալ, կամ Սերժ Սարգսյանը համաձայն չէր Վիգեն Սարգսյանի հետ, սակայն Վիգեն Սարգսյանը հարցն դրել էր շեշտակի՝ կամ-կամ, եւ Սերժ Սարգսյանը կատարել էր քաղաքական նպատակահարմությունից բխող ընտրություն, հեռացնելով Բաղմանյանին, որովհետեւ Վիգեն Սարգսյանը առավել երկարաժամկետ ռեսուրս է: Հատկապես որ Սերժ Սարգսյանը մտադիր է կիսել փորձը երիտասարդների հետ ու կերտել երիտասարդ լիդերներ:
Մյուս կողմից, ՀԱՊԿ-ը թերեւս Սերժ Սարգսյանի համար դարձել է անպետք մի կառույց, անցանկալի զինվորականներից ազատվելու միջոց, երբ մի կողմից անգթորեն չի վարվում նրանց հետ,- իսկ նա չունի որեւէ բան «դեն նետելու» սովորություն եւ մշտապես առաջնորդվում է մոտեցումով, որ ցանկացած հեռացող ու հեռացվող մի օր կարող է պետք գալ,- մյուս կողմից, նա բանակն ազատում է օդիոզ կերպարներից ՀԱՊԿ միջոցով: Ինչպես հայտնի է, ՀԱՊԿ «գործուղվեց» նաեւ ԶՈՒ գլխավոր շտաբի նախկին պետ Յուրի Խաչատուրովը:

մանրամասն ՝ կայքում

Այս թեմայով Նախագահը հանդիպել է Սերժ Սարգսյանի և Կարեն Կարապետյանի հետ Սարգսյանը տակտիկական քայլ արեց. Մոսկվան կմիջամտի՞ հանուն Կարապետյանի Ինչ է քննարկվել Սերժ Սարգսյանի առանձնատանը «Սերժ Սարգսյանն ու Գասպարյան Վովան չուզեցին դառնալ հայրենիքի դավաճան» Սերժ Սարգսյանը խորհուրդ է տվել մտածել Տարոն Մարգարյանի և Ռոբերտ Քոչարյանի թեկնածության շուրջ