Գիտնականները պարզել են՝ տեսահոլովակների դիտումն ինչ անսպասելի հետևանքներ կարող է ունենալ

Չիկագոյի համալսարանի մասնագետները պարզել են, որ Յութուբում և սոցիալական կայքերում տեսահոլովակների հաճախ դիտումը հանգեցնում է ավելորդ ինքնավստահության. մենք անհիմն կերպով սկսում ենք մտածել, թե նոր հմտություններ ենք ձեռք բերում: «Մարդիկ մտածում են, թե կկարողանան անել այն, ինչ տեսել են տեսահոլովակում նույնիսկ այն դեպքում, երբ իրենց ընդունակությունները չեն փոխել դեպի լավը», - նշում է հետազոտության հեղինակ Մայքլ Քարդասը (Michael Kardas):

Վեց գիտափորձերից բաղկացած շարքը ցույց է տվել, որ տեսահոլովակների դիտումը չի կարող բարելավել իրական հմտությունները, սակայն բարձրացնում է ինքնագնահատականը: Գիտափորձերից մեկում 1003 կամավորների առաջարկվել է կրկնել տեսահոլովակում ներկայացված հնարքը՝ օգտվելով քայլ առ քայլ հրահանգներից: Հինգ վայրկյան տևողությամբ տեսահոլավակը 20 անգամ դիտած կամավորներն ավելի մեծ ինքնավստահություն էին զգում՝ մտածելով, թե իրենց կհաջողվի նույնությամբ կրկնել այն: Իսկ նրանք, ովքեր տեսահոլովակը դիտել էին ընդամենը 1 անգամ, շատ ավելի քիչ էին վստահ իրենց ուժերի վրա:

Հոգեբանները զգուշացնում են, որ ինտերնետում հոլավակներ դիտելիս պետք չէ գերագնահատել սեփական ուժերը: Կոնկրետ քայլերին հետևելը և այնուհետև իրականում գործողություններ կատարելը չի հանգեցնում հմտությունների ձևավորմանը, որոնք ունի տեսհալովակում նկարահանված անձը:

Այս թեմայով Արամեի նվերը Աննա Թովմասյանին Ո՞վ է Նազենի Հովհաննիսյանի «տղամարդը» Արմենչիկն ու Արման Հովհաննիսյանը նոր տեսահոլովակ ունեն Արմենչիկը նոր տեսահոլովակ ունի Շողիկ Ղազարյանը ներկայացրել է նոր տեսահոլովակ (տեսանյութ)