Գիտնականները պարզել են վարսավիրների բարերար ազդեցությունը օրգանիզմի վրա

Վարսահարդարին այցելությունը կարող է ոչ միայն տրամադրությունը բարձրացնել, այլեւ իջեցնել արյան ճնշումը, պարզել են ամերիկացի գիտնականները:

Ֆլորիդայում տեղի ունեցած American College of Cardiology գիտաժողովի ժամանակ գիտնականները ներկայացրել են նոր հետազոտության տվյալները, որին մասնակցել է 35-ից ինչեւ 71 տարեկան 319 տղամարդ: Բոլոր մասնակիցները արյան բարձր ճնշում են ունեցել: Նրանց բաժանել են 2 խմբի: Առաջին խմբի կամավորները վարսահարդարին յուրաքանչյուր այցելության ժամանակ հանդիպել են դեղագործի, որը նրանց դեղեր է նշանակել եւ խորհուրդներ տվել առողջ կենսակերպի վերաբերյալ: Երկրորդ խմբի կամավորները շփվել են միայն վարսահարդարի հետ: Վարպետը նրանց խորհուրդ է տվել բժշկի դիմել եւ խորհրդատվություն է տրամադրել առողջ կենսակերպի վերաբերյալ:

Փորձի 6 ամսում դեղագործի հետ հանդիպած տղամարդկանց ճնշումը նվազել է միջինը սնդիկի սյան 21 մմ-ով: Դեղագործին չհանդիպած, սակայն վարսահարդարի հետ զրուցածների արյան ճնշումը նվազել է սնդիկի սյան 10 մմ-ով:

Նշենք, որ արյան բարձր ճնշումը համարվում է սիրտ-անոթային հիվանդությունների եւ կաթվածի վտանգի առաջատար գործոնը:

Այս թեմայով Մասնագետները հստակեցրել են, թե օրական որքան ջուր է պետք խմել Շրթունքները կարող են պատմել հիվանդությունների մասին Ստրեսից արագ դուրս գալու 8 էֆեկտիվ միջոց Մերկ քնելու 5 պատճառ Առավել անվտանգ ցավազրկող է ստեղծվել