Ամուսինս անասնական բնազդով էր մոտենում ինձ.Անբուժելի հիվանդություն, մարմնավաճառություն....Վանաձորցի կնոջ խեղաթյուրված ճակատագիրը

Ընտանեկան վատ պայմաններ, չստացված ամուսնական կյանք, անբուժելի հիվանդություն, մարմնավաճառություն… Սա է վանաձորցի 44-ամյա լքված ու միայնակ Ն.Պ.-ի ճակատագիրը: «Ծնվել եմ բանվոր դասակարգի ընտանիքում: Հերս մեխանիկ էր, մերս դպրոցում հավաքարար էր աշխատում: 10-րդ դասարանում էի, մերս մահացավ: Խորթ մերս էկավ, գնացի աշխատելու՝ կարող բանվորուհի, որ չասեին՝ աշխատում ենք, քեզ պահում: Հետո շատ պրոբլեմներ առաջացան: Հերս մահացավ, խորթ մերս էղածը գողացավ, տարավ: Ինձ ոչինչ չի տվել: Էղել ենք 7 երեխա՝ 4 քույր, 3 եղբայր: Չգիտեմ որն եմ, չեմ հիշում (Ն.Պ.-ն ընտանիքի 5-րդ երեխան է- հեղ.): Ախպերս շատ հարուստ ա, խանութ ունի, բայց քրոջը չի ճանաչում: 20 տարեկան էի, ամուսնացել եմ, Չիգդամալում եմ էղել հարս, տալս սաբաբն էղավ: Նոյեմբերի 7-ին հարսանիքս էր, դեկտեմբերի 7-ին աղետն էղավ: Կեսրարս մահացավ, օրենքն ընկավ տան կանանց ձեռքը: Ամուսինս «նեգոդնի» էր. ես «վոեննի» գրքույկը տեսել էի: Իրանից զզվել եմ: Անասնական բնազդով էր մոտենում ինձ: Ծեծել ա, ջարդել. լուսացրել եմ դռանը: Ուղեղը մտցնում էին՝ Ն.Պ.-ի ծեծի, հետը մի քնի: Սոված էին պահում, որ վատ բաներ անեի, դուրս անեին: Տալս էր սովորացնում: Էրեխեքի խաթեր հետը մնացել եմ 10 տարի, համ էլ որ տուն չունեի՝ հետ գայի… Յոլա եմ գնացել նամուսի խաթեր: «Նամուս»՝ լսե՞լ եք էդ գիրքը, Սուսանը իմ մեջ կա: Որ ինձ հալածել են, մարմնավաճառ են ասել, սաղ իմ մեջ ա: Ու ես դա ներ եմ շնչել: Բայց որ իրա հետ էի, մաքուր եմ էղել: Հետո արդեն դժբախտություն… Սոված էի, ցուրտ էր, ծեծում էին, վախացնում էին… Ես իմ մահը զգացել եմ. կլինիկական մահ էի տանում: Էդ պահին տենում էի Հիսուսին, հրեշտակներ: Էրեխեքին քնած թողել եմ, ինձ քցել սկեսրարիս ախպոր տուն: Ինձ տաքացրել են ուժեղ ջերմությամբ, էփեկան չայ են տվել: Հաջորդ օրը տարել են բժշկի: Բժիշկը ասավ՝ ուզում ես ամուսնուդ տենաս, ասի՝ հա, ասեց՝ նա քեզ լքել ա: Էրեխեքս իրանց մոտ էին: Իրանց սխալ բաներ են սովորացրել: Ես գնում էի տենալու, ինձ հալածում էին՝ շաշ, անբարոյական անվանելով: Էլ չեմ գնացել: Չեմ հիշում՝ վերջին անգամ երբ եմ տեսել. փոքր էին: Բժշկուհին ասել ա՝ մեծանան, քո էրեխեքն են: Ես ենթարկվում եմ բժշկուհուն: Բաժանումից հետո դիմել եմ փողոցային կյանքի: Քաղաքապետի խաչմերուկում էի կանգնում, նեղացնում էին չուժոյները: Էկա ըստեղ: Ոստիկանները չեն նեղել: Հաշիվ-մաշիվ չկա: Օրենքը ինձ ներել ա: Տուգանել են մի 3 անգամ, մուծել եմ քաղաքապետարանում: Ամաչել եմ, բայց ոչինչ: Նեղացրել են, օրենքին եմ ասել, մարդիկ կան միլիցեքի մեջ, շուկայի մոտի միլիցիայությունում, իրանց հետ եմ մոտ: Սաղ ինձ գիտեն, բա «կանգնել» եմ, ոնց չգիտեն: Գինը ասում էի, չունեին, պետք ա հարմարվեի: Էն որ ասում ա՝ շատին վազողը քչից էլ ա ընկնում, էդքանն էր, պետք ա բավարվեմ: 2000, 3000, 50 դոլար տվել են մարդիկ: Ուրիշ գործ չկա ինձ համար: Ոչ մի տեղ չեմ կարում երկար աշխատեմ: Ամեն տեղ վիճաբանություն, ու դուրս եմ գալիս. ներվերս չի հերիքում: Կլիենտների հետ էլ էի վիճում: Կիսատ թողել եմ, փախել: Փողը հետ էին ուզում, չէի տալիս: Ներվերս չէր հերիքում»: 1995 թվականից Ն.Պ.-ն հաշվառված է Լոռու մարզային հոգենյարդաբանական դիսպանսերում: Առաջին անգամ դիսպանսեր է ներկայացել խորթ մոր և եղբոր ուղեկցությամբ՝ հետևյալ հոգեվիճակով. էյֆորիկ (անհոգ, երջանիկ, առանց քննադատական վերաբերմունքի իր իրական վիճակի նկատմամբ), գերագնահատել է իր հնարավորությունները, արտահայտել զառանցական մտքեր, որ կապված է Հիսուսի հետ, նա ազդում է իր վրա, ինքը եկել է հիվանդանոց՝ բուժելու հիվանդներին: Նույնիսկ իրեն հղի է համարել Տիրոջից: Ն.Պ.-ի բժշկական քարտում նկարագրված է հիվանդության պատմությունը: Կան նաև նրա խոսքերը հավաստող գրառումներ. դիսպանսերում հաշվառվելուց մի քանի տարի առաջ Ն.Պ.-ի և ամուսնու միջև վեճերն այնքան հաճախակի են դարձել, որ ամուսնալուծության խնդիր է ծագել: Ամուսինները տունը բաժանել են 2 մասի և առաձին ապրել նույն տան մեջ: Ն.Պ.-ն մշտական սպառնալիքների և ճնշման տակ է եղել ամուսնու և նրա հարազատների կողմից: Ամուսինը հաճախակի ծեծել է նրան: Մի անգամ էլ փորձել է ջարդել դուռը և մտնել Ն.Պ.-ի տարածք, որից հետո վերջինիս մոտ արտահայտված տարօրինակ վարք է սկսվել: Բժշկական քարտի մեջ արձանագրված է նաև դատական քաշքշուկների մասին: Հավանաբար, այդ պահից արդեն դատական գործընթաց է սկսվել Ն.Պ.-ին մայրական իրավունքից զրկելու համար: Երեխաները մնացել են հոր մոտ, Ն.Պ.-ին ոչ մի անգամ չեն թույլատրել տեսակցել նրանց: Ստացիոնար բուժօգնությունը ստանալուց հետո էլ Ն.Պ.-ն մինչ օրս բժիշկների հսկողության տակ է: Ամիսը մեկ անգամ կամ ավելի հաճախ կամավոր դիսպանսեր է գնում՝ դեղորայք ստանալու կամ ուղղակի բժիշկներին տեսնելու: Գիտի, որ հիվանդություն ունի, բայց այն ուղղակի կապում է նյարդային վիճակի հետ: Հոգեկան հիվանդությամբ տառապող այլ անձանց նման կոնկրետ ախտորոշումը նրան չի հետաքրրքում, կամ, ավելի ճիշտ, այդ անվանումը նրան ոչինչ չի ասում: Ն.Պ.-ի ախտորոշումն է՝ մանիակալ շիզոաֆեկտիվ պսիխոզ: Այս հիվանդության դեպքում հիվանդի օրգանիզմում սոմատիկ՝ մարմնական, որևէ փոփոխություն չի կատարվում: Փոփոխությունը կապված է վարքի և հոգեկան վիճակի հետ: Շիզոաֆեկտիվ խանգարումն ուղեկցվում է աֆեկտների՝ տրամադրության պերիոդիկ փոփոխությամբ: Այսինքն՝ կյանքի որոշակի շրջանում հիվանդի մոտ լինում են դեպրեսիվ և ակտիվացման վիճակներ: Եթե դեպրեսիային բնորոշ են տրամադրության անկումը, ընկճվածությունը, մեկուսացումը, շփվելու անկարողությունն ու անտարբերությունը, ապա ակտիվացման վիճակում հիվանդը, հակառակը, իրեն լավ է զգում, տրամադրությունը բարձր է, երգում է, պարում, ուրախ հոգեվիճակ է դրսևորում: Այս վերջին խանգարումը կոչվում է մանիակալ վիճակ: Մանիակալ սրացման վիճակում հիվանդը վտանգ է ներկայացնում շրջապատի համար (դեպրեսիայի դեպքում՝ սեփական անձի): Լոռու մարզային հոգենյարդաբանական դիսպանսերի բժիշկ Հովհաննես Ամիրխանյանի փոխան սրացումներով է ընթանում: Իսկ մանիակալ խանգարում ունեցող հիվանդները, հատկապես կանայք, հակված են ուշադրության կենտրոնում լինելու, շփվելու, նոր ծանոթություններ հաստատելու: Առաջանում է հիպերսեքսուալ վարք, որը սխալ է ընկալվում շրջապատի կողմից, և փորձում են օգտագործել այն: «Աֆեկտիվ խանգարումների դեպքում, երբ հատկապես աֆեկտը մանիակալ տիպի է ընթանում, կանանց հաճախ են օգտագործում,- ասում է բժիշկ Ամիրխանյանը: -Բնական է, որ 1-2 անգամ այդ ձևով օգտագործվելով՝ նաև հիվանդի մոտ են առաջանում որոշ փոփոխություններ, ինչը կարող է բերել անբարո վարքի»: Բժիշկը հիշում է բազմաթիվ դեպքեր իր պրակտիկայում, երբ նշված հիվանդությամբ տառապող կանայք նման ճակատագրի են արժանացել: Ն.Պ.-ի դեպքում էլ նրա անբարոյական վարքը պայմանավորում է նախևառաջ հոգեկան հիվանդությամբ՝ չնայած Ն.Պ.-ի արդարացումներին, թե այդ կյանքին է դիմել սոցիալական անապահով վիճակից դրդված: Իսկ Ն.Պ.-ի հիվանդության պատճառներն են՝ ներընտանեկան հարաբերությունները՝ մանկությունից մինչև հասուն, ամուսնական կյանք, բռնությունն ու ճնշումները, հասարակության և հարազատների կողմից մերժված լինելը: «Միշտ ուշադրության կենտրոնում եմ: Հետաքրքրվել են ինձանով: Հըմի էլ չեմ կարում ազատվեմ: Օրենքը չըլի, ինձ կուտեն: Հլա մի հատ սիրունանում եմ, կարում չեմ, որ անցնեմ: Ոչ մի բան չեմ անում, սովորական եմ, բայց իրանց հըմար՝ անսովոր: Մեկը փող ունի, մեկը՝ ճաշակ: Մարդ կա՝ պաշտոնում նստած տեղն ա երևում, բայց դրսում չի երևում: Իսկ ես դուրս եմ գալիս, նայում են: Դրա հըմար նախանձողները շատ են: Ճաշակ, գեղեցկություն, աստղ: Ես տարով կապիկ եմ, գնում ես գազանանոց, կապիկներն են ճարպիկ, աչքի են ընկնում, երկվորյակ եմ. նրբություններ կան: Հոգիս նուրբ ա, բայց չորով եմ՝ տղու կյանքի նման, որովհետև բաժանումից հետո տղերանց հետ ա գործս էղել»,- իրեն այսպես է ներկայացնում Ն.Պ.-ն:

Նյութի աղբյուրը՝ այստեղ

Այս թեմայով Համամլու գյուղում 20 տարեկան ամուսինը «թվանքով» սպանել է 35-ամյա կնոջը՝ համագյուղացու հետ սեռական հարաբերության պահին Արտաշատում կինը ընկերուհուն հրավիրել է տուն, նրա եւ ամուսնու համար ընթրիք պատրաստել. որից հետո ամուսինը փորձել է բռնաբարել ընկերուհուն Ինչպես փրկվել այս մեծ ցավից.ամուսինները բժշկի են դիմել երեխա բեղմնավորելու համար, սակայն պարզվել է, որ նրանք երկվորյակներ են Տեսել է, որ կնոջ մեջքը բաց է, ինքն էլ իր խելքով մտածել է, որ իմ խաթեր է կնիկը մեջքը բաց հագնվում.Արարատում խանդի հողի վրա ամուսինը փորձել է սպանել հարևանին Էմիլի Ռատակովսկին ցույց է տվել, թե ինչպես է ամուսինը արևապաշտպան յուղ քսում իր հետույքին