Խայտառակություն` ադրբեջանական ձևով
Աշխարհ
Երբ Իլհամ Ալիևը փոխեց երկրի սահմանադրությունը և մտցրեց փոխնախագահների ինստիտուտը (երկրի առաջին փոխնախագահ և փոխնախագահներ), և' ընդդիմությունը, և' եվրոպական կառույցների փորձագետները հայտարարեցին, որ նա դրանով «հաստիքներ» է բացում իր ընտանիքի անդամների համար:
Եվ ահա այսօրվանից սկսվեց հին, սովետական մեթոդների կիրառումը. այսօր «Հանուն հայրենիքի» շարժումը (ինչ-որ Ճ կլասի կառույց) հայտարարություն է տարածել, ըստ որի անհրաժեշտ է ազգովի խնդրել, որ Իլհամը երկրի երկրորդ դեմքը հանդիսացող նորահայտ պաշտոնում` Ադրբեջանի առաջին փոխնախագահի պաշտոնում, նշանակի իր սիրասուն կնոջը` Մեհրիբան Ալիևային:
Հասկանում եք, չէ՞, որ սրանից հետո ողջ ազգը ոտքի է կանգնելու և Իլհամին խնդրելու, որ իր կնոջը իր տեղակալ նշանակի:
Բռնապետության, խանության, միապետության տիպիկ օրինակ լինելով հանդերձ, այս հարցում մի ծիծաղելի բան կա, որ աչքի է զարնում: Դա պատճառաբանությունն է, թե ինչո՞ւ հենց Մեհրիբանը: Ահա «Հանուն հայրենիքի» շարժման հայտարարության տեքստը. «Եթե Մեհրբան Ալիևան նշանակվի առաջին փոխնախագահ, երկրում շատ խնդիրներ կլուծվեն: Մասնավորապես, կարճ ժամկետում կլուծվի Ղարաբաղի խնդիրը, Ադրբեջանի դիրքերը կամրանան միջազգային ասպարեզում, և ազգային համաձայնությունը կկայանա»:
Այո՜: Ղարաբաղի հարցի լուծումը ազերիները վերջապես գտան` Մեհրիբանը կլուծի:
Մեհրիբանը ազգությամբ լեզգի՞ է, թա՞թ է, թալի՞շ է, որ նրա նշանակմամբ «ազգային համաձայնություն կայանա»:
Իսկ եվրոպական փորձագետները համոզված են, որ Մեհրիբանի հանդեպ սերը Իլհամը պարտադիր չէ, որ պաշտոն տալով ապացուցի, ու եթե իսկապես կինը երկրի երկրորդ դեմք նշանակվի, Ադրբեջանը կդառնա միջնադարյան խանական մի կառույց, ու ինքն իրեն կկործանի:
1
2
3
4
5
1
2
3
4
5
1
2
3
5
