Ադրբեջանցի հարուստի աղջիկը՝ Պուտինի ու Թրամփի միջնորդ․ ուշագրավ բացահայտումներ

Ամերիկացի լրագրողներ Մաթեր Ջոնսը, Մայքլ Իսկոֆն ու Դևիդ Քորնը Միացյալ Նահանգների նախագահ Դոնալդ Թրամփի մասին նոր գիրք են գրել, որում մի շարք ուշագրավ բացահայտումներ են արել 71-ամյա հանրապետականի վերաբերյալ:

Ինչպես նշում է The Daily Mail-ը, «Ռուսական ռուլետկա. Պուտինի՝ Ամերիկայի դեմ հայտարարած պատերազմի և Դոնալդ Թրամփի ընտրվելու պատմությունը» վերնագրով գրքի հեղինակները նշում են, որ 2013թ. նոյեմբերին, երբ Թրամփը դեռևս իրեն պատկանող «Միսս տիեզերք» գեղեցկության մրցույթն անցկացնելու նպատակով Մոսկվա էր ժամանել, հետապնդում էր մի նպատակ՝ ծանոթանալ Ռուսաստանի Դաշնության նախագահ Վլադիմիր Պուտինի հետ:

Արազ Աղալարովը՝ դստեր և կնոջ հետ

Սակայն ՌԴ ղեկավարի հետ անձնական հանդիպման փոխարեն՝ միլիարդատերը Պուտինից փակ նամակ է ստացել:

Ըստ գրքի`Պուտինի նամակը Թրամփին է փոխանցել ռուսաստանաբնակ ամենահարուստ ադրբեջանցի գործարարներից մեկի՝ Արազ Աղալարովի դուստր Շեյլա Աղալարովան՝ գեղեցկության մրցույթի ավարտից հետո: Նամակը տալուց առաջ աղջիկն ասել է, որ դա «նվեր է»:

«Դա լաքապատ սև արկղիկ էր: Դրա ներսում փակ նամակն էր ռուս բռնապետից: Սակայն նամակի բովանդակության մասին տեղեկություն չկա»,-գրված է գրքում, որի շնորհանդեսը կայանալու է մարտի 13-ին:

Հայտնի է, որ Թրամփն ու Աղալարովը շատ լավ հարաբերությունների մեջ են եղել: «Միսս տիեզերք-2013» մրցույթն անցկացվել է Աղալարովին պատկանող Crocus համերգասրահում:

Նշվում է նաև, որ Մոսկվա ժամանելուց հետո Աղալարովը Թրամփին հայտնել է, որ Պուտինը դեմ չէ ամերիկացի միլիարդատիրոջ հետ հանդիպմանը: Սակայն անհամբեր Թրամփն այդպես էլ չի կարողացել հանդիպել նախագահին, փոխարենը՝ նրան զանգահարել է մամուլի խոսնակ Դմիտրի Պեսկովը: Նա Թրամփին ասել է, որ Պուտինը շատ կուզենար ներկա լինել գեղեցկության մրցույթին, սակայն չի կարող, քանի որ Մոսկվայում գտնվող այլ բարձրաստիճան հյուրերի՝ Նիդեռլանդների թագավոր Վիլեմ Ալեքսանդրի ու թագուհի Մաքսիմայի այցի պատճառով երթևեկության խնդիրներ են առաջացել:

Մոսկվայից ԱՄՆ վերադառնալուց հետո Թրամփը բազմաթիվ հարցազրույցներում ասել էր, որ Պուտինից գեղեցիկ նվեր ու երկտող է ստացել:

Այս թեմայով Ինչ է, ի վերջո, ասել Պուտինը Կարապետյանին Պեսկովը պատմել է, թե ինչի մասին են խոսել Մոսկվայում Սարգսյանը տակտիկական քայլ արեց. Մոսկվան կմիջամտի՞ հանուն Կարապետյանի Մոսկվայում երկու տեսակետ կա հայաստանյան իրադարձությունների վերաբերյալ Ռուսական քարոզչամեքենան գործի է անցել Նիկոլի դեմ