«Նրանք պատիվ պահանջեցին ինձանից, ինչը չէր կարող ուղեկցվել առանց ծեծկռտուքի». Գոշն անկեղծանում է

Կանանց միջազգային տոնի առթիվ Life.panorama.am-ը զրուցել է երգիչ, դերասան Գոշի հետ, ով մեզ հետ զրույցում պատմել է իր մանկական առաջին սիրո, դրա դրսևորման և սիրելի աղջկա համար կատարած իր համարձակ քայլի մասին :

Վերհիշելով տվյալ քայլը՝ Գոշը նկատեց, որ եթե այսօր երիտասարդ տղաները չեն բարդույթավորվում իրենց սիրելիներին ծաղիկներ նվիրել, ապա տարիներ առաջ այդպես չէր. «Տարիներ առաջ, երբ սովորում էի 4-րդ դասարանում, սիրահարված էի մի աղջկա, ում համար, կարող եմ ասել, որ այն տարիների համեմատ բավական համարձակ քայլ եմ արել»,- պատմեց Գոշը:

Իսկ թե ի՞նչ համարձակ քայլի մասին է խոսքը, երգիչը մանրամասնեց. «Դպրոցում ես միակ տղան էի, ով համարձակվեց բոլորի աչքի առաջ ծաղիկներ նվիրել իր սիրելի աղջկան»,- նկատեց Գոշը՝ շարունակելով. «Այնքան էի սիրահարված, որ անգամ հաշվի չառա ուսուցիչների և մյուս աշակերտների ներկայությունը: Դպրոցի միջանցքում պարզապես մոտեցա նրան և սեր խոստովանեցի՝ նվիրելով նրան ծաղիկներ: Հաշվի առնելով նրա շփոթված պահվածքը՝ կարող եմ վստահ ասել, որ անակնկալը ստացված էր, և ամեն ինչ եղավ այնպես, ինչպես նախօրոք որոշել էի»,- ասաց Գոշը:

Վերջինիս խոսքով՝ այս քայլը, սակայն, ունեցել է նաև բացասական հետևանքներ, սակայն ոչ թե տվյալ աղջկա, այլ՝ նրա համադասարանցիների կողմից. «Աղջիկը, ում ես սիրահարված էի, սովորում էր մեր զուգահեռ դասարանում: Չեմ կարող ասել, որ նա անտարբեր էր իմ հանդեպ: Դրա մասին էր վկայում նրա վերաբերմունքը՝ ուղղված ինձ և իմ այդ քայլին, որից նա բավական ոգևորվել էր: Սակայն որքան լավ ավարտ ունեցավ իմ և նրա շփումը, նույնքան ոչ հաճելի դեպքեր տեղի ունեցան հետագայում»,- նշեց Գոշը՝ հավելելով. «Այդ աղջկա դասարանի տղաները հետո եկան և պատիվ պահանջեցին ինձանից, ինչը, անշուշտ, չէր կարող առանց վիճաբանության, իսկ հետո նաև ծեծկռտուքի անցնել: Բայց նշեմ, որ ամեն բան լավ ավարտ ունեցավ, նույնիսկ հետագայում իմ և այդ տղաների միջև շփում սկսվեց: Այսպես ասած՝ «տղայական» իրավիճակ, որը հետագայում հարթվեց և պարզաբանվեց»,- ժպտալով պատմեց Գոշը:

Հարցին՝ թե արդյո՞ք, երբ նա արդեն բավական հասուն տարիքում է, ներկայումս ևս պատրաստ է գնալ նման քայլերի, Գոշը պատասխանեց. «Իհարկե պատրաստ եմ և ոչ միայն նմանատիպ քայլերի: Առհասարակ, բնույթով այնպիսին եմ, որ սիրում եմ անակնկալներ մատուցել իմ սիրելի մարդկանց՝ պատրաստ լինելով նրանց համար գնալ ցանկացած քայլի: Ճիշտ է՝ այս պահին կողքիս սիրելի անձնավորություն չունեմ, բայց այն ժամանակ, երբ նա հայտնվի, կփորձեմ իմ քայլերով հետաքրքրացնել և էլ ավելի գեղեցկացնել մեր օրերը»,- նկատեց Գոշը:

Անդրադառնալով մարտի 8-ին և դրա խորհրդին՝ երգիչը նշեց, որ այնքան էլ կարևորություն չի տալիս օրվան, քանի որ սխալ է համարում սահմանափակվել միայն այս միամսյակով:

Չնայած սրան, սակայն, մարտի 8-ին ոչ պակաս ոգևորված է պատրաստվում. «Բնականաբար, այսօր առաջինը շնորհավորել եմ իմ կյանքի ամենակարևոր կնոջը՝ մայրիկիս, ում օրն էլ փորձելու եմ տոն դարձնել»,- պատմեց Գոշը՝ չմոռանալով շնորհավորել նաև կանանց և աղջիկներին տոնի կապակցությամբ. «Ուզում եմ շնորհավորել բոլոր աղջիկներին և կանանց տոնի կապակցությամբ, հիշեք, որ մենք՝ տղաներս, հենց ձեզանով ենք դառնում լիարժեք: Բայց նաև խորհուրդ կտամ բոլոր այն երիտասարդներին, ովքեր արդեն գտել են իրենց երկրորդ կեսին, չսպասել մարտի 8-ից ապրիլի 7-ն ընկած ժամանակահատվածին. ուրախացրեք, երջանիկ դարձրեք ձեր սիրելիներին յուրաքանչյուր օր, քանի որ նրանք միայն դրան են արժանի»,- մեզ հետ զրույցում նշեց երգիչ, դերասան Գոշը:

Այս թեմայով «Ես ու նա հիմա գործընկեր ենք». Վարուժան Մարգարյանը` անձնական կյանքի մասին Անելյա Գուբրյանը՝ անչափահաս լինելով` սիրային տեսարաններում նկարահանվելու մասին Լուսանկարներ նոր սիթքոմի նկարահանման հրապարակից «Գաբին բացառություն է». Լուիզա Ղամբարյանը՝ դստեր մասին Ինչ է կատարվում ռուսական դպրոցներում... տղան բաց տեսանյութ է հրապարակել՝ 9-րդ դասարանցի աղջկա հետ (տեսանյութ չափահասների համար)