Ինչպես է անցել Գրիշա Աղախանյանի 50-ամյակի after party–ն․ լուսանկարներ

Tert.am Life–ն իր ընթերցողներին ներկայացրել է, թե ինչպես է անցել Գրիշա Աղախանյանի «Իմ առաջին 50–ամյակը» խորագրով համերգը` հայտնիների մասնակցությամբ։ Համերգից հետո Գրիշան ընկերների հետ գնացել է Երևանի ժամանցի կենտրոններից մեկը, որտեղ անցել է միջոցառման after party–ն։

Tert.am Life–ի լուսանկարիչը ներկա է եղել է նաև այս երեկույթին և ֆիքսել հետաքրքիր պահերը։ Երեկույթը շարունակվել է Սրբուհի Սարգսյանի երգերի և dj Smoke–ի երաժշտության հնչյունների ներքո։

Չնայած ուշ ժամին, Գրիշայի և դերասանուհի Շողեր Թովմասյանի որդին` երեքուկես տարեկան Ալեքսանդրը, ներկա է եղել հայրիկի տարեդարձի խնջույքին և ուրախացել հյուրերի հետ։ Ի դեպ, իրականում, Գրիշան 50–ամյակը բոլորել է կեսգիշերն անց, քանի որ նրա տարեդարձն այսօր է` մարտի 5–ին, սակայն նա օրը տոնել է կիրակի։

«Հենց գիտակցում եմ, որ արդեն 50 տարեկան եմ, մարմինս փշաքաղվում է, որովհետև հասկանում եմ, որ կյանքիս կեսն արդեն ապրել եմ։ Մի զարմացեք, ես որոշել եմ 100 տարի ապրել։ Երբ մի բան  որոշում ես ու հավատում ես այդ որոշմանը, այն իրականանում է։ Օրինակ` այսօրվա երեկոն ունենալու մասին ես 20 տարեկանում էի  որոշել, ինչպես տեսնում եք, կատարվեց։ 100–ամյակս էլ, երևի, համալիրում կնշեմ:)»,– ասել է նա ու հավելել, որ, երբեմն, ստիպված է լինում անձնագիր ցույց տալ, որպեսզի մարդիկ հավատան, որ ինքը 50 տարեկան է։