Բանտից ազատվել է թուրքական գողական աշխարհի սարսափ Գիա Քութայիսսկին և անցել հարձակման

Ստամբուլում լարված իրավիճակ է գողական աշխարհի «թուրքական» խմբավորման շրջապատում: Օրերս, երկարատև խորհրդակցությունների արդյունքում` «թուրքական» համարվող «օրենքով գողերի» թվով ամենաշատ և պատկառելի հարմարվող խմբավորումը չի համարձակվել «սխոդկայի» նստել իրենց ձեռնոց նետած` «օրենքով գողերի» հակառակ ճամբարի ներկայացուցիչների հետ, որի ղեկավարը օրերս բանտից ազատված Գիա Զվիադադձեն է` հանրահայտ Գիա Քութայսիսսկին, ով ազատության մեջ հայտնվելով, Ստամբուլում անմիջապես սկսել է «հետաքննել» Թբիլիսիի քննչական մեկուսարան թիվ 7-ում տեղի ունեցած դեպքերը, որտեղ «օրենքով գողերի» մի խումբ դաժան ծեծի էր ենթարկել «օրենքով գողերի» մեկ այլ խմբի անդամների:

Նա փորձում է ապացուցել, որ «օրենքով գողեր» Ռեզոն, Ռամազը, Գիգան ու Ալեկոն չէին կարող այդ ծեծը կազմակերպել առանց մեկուսարանի ղեկավարի աջակցության: Սրանից հետևում է, որ շատերը կզրկվեն «օրենքով գողի» կոչումից:

Գիան փորձում է այդ տիտղոսից զրկել հանրահայտ գողեր Արեկո Շոշիային, Դաթոյին, Կախային: Գիա Քութայիսսկին համարվում է գողական աշխարհի կանոնների ամենահետևողական և խիստ հետևորդը, և նրա խոսքը մեծ կշիռ ունի:
Եվ եթե Գիան որոշել է թուրքական գողական աշխարհի տիտաններին զրկել տիտղոսներից, դա նրան կհաջողվի:
Միով բանիվ, նա «դեսանտ» է իջել Ստամբուլում և փորձում է այնտեղ զտումներ անել:

Nyut.am