«Պատրաստ եմ նորից բանտ նստել»․ Նիկոլ Փաշինյան

Թերթ.am |

Պատրաստ եմ իմ անելիքը անել Ազատության հրապարակում. լրագրողների հետ զրույցում հայտարարեց «Ելք» խմբակցության ղեկավար Նիկոլ Փաշինյանը:

Նշենք, որ Նիկոլ Փաշինյանը Facebook սոցկայքի իր էջում մասնավորապես գրել էր. «Գործողությունների նախնական պլանը քննարկեցի ընտանիքիս հետ։ Հավանության արժանացավ։ Պատրաստ են ինձ վերստին գործուղել Ազատության հրապարակTop of Form»:

Պատգամավորը հույս հայտնեց, որ «Ելք»-ում այս հարցում կլինի կոնսենսուս, համաձայնություն և «գործողություններ կարվեն»:

«Այս հարցում կա քննարկում, և քանի դեռ քննարկումները չեն ավարտվել, չեմ կարող ասել, թե որ հարցում կա համաձայնություն, որ հարցում՝ ոչ: Ես քննարկել եմ հարցը ընտանիքիս հետ, նրանք պատրաստ են ինձ գործուղել Ազատության հրապարակ, դա չի նշանակում, որ մերոնք տանից դուրս են հանել...

Իմ ընտանիքն ինձ հետ երկար ու բարդ ճանապարհ է անցել Ազատության հրապարակի ու դրանից բխող հետագա գործընթացների հետ, ինձ համար իմ ընտանիքի դիրքորոշումը շատ կարևոր է, որովհետև հասկանում ենք, թե ինչ պրոցեսներ են ու ինչի կարող են դրանք հանգեցնել»,- մանրամասնեց նա:

Դիտարկմանը, թե ինչո՞ւ առանց դաշինքի համաձայնության գրեցիք այդ մասին, արդյո՞ք դաշինքում տարաձայնություններ կան, որոնք վերածվել են լարված մթնոլորտի, Փաշինյանն ասաց, որ դաշինքում միշտ տարաձայնություններ կան, եղել են ու կլինեն հակասություններ:

«Մենք այդ բոլոր հարցերը մինչ օրս կարողացել ենք քննարկել, գալ համաձայնության, և այս հարցում էլ հույս ունեմ, որ կգանք համաձայնության»,- նշեց Փաշինյանը:

Պատգամավորը ասաց, որ ինքը պատրաստ է նորից նստել բանտ, եթե կարիք լինի: «Ես պատրաստ եմ, եթե դա բխի իմ քաղաքական սկզբունքները պաշտպանելու հարցից»,- նշեց նա:

Այս թեմայով «Հայաստանի պառլամենտում որոշ տխմարներ չեն հասկանում, որ ժողովուրդը զզվել է իրենցից, ու որևէ արտաքին միջամտություն չկա»․ Սաակաշվիլի Փաշինյանը բացահայտել է՝ ինչ կար ուսապարկում «Ես դա կասեմ անձամբ վարչապետին և պաշտպանության նախարարին». գեներալ Տեր-Գրիգորյանց Փաշինյանի ռեպը համացանցի նոր հիթերից է. վայելեք / ՏԵՍԱՆՅՈՒԹ «Սթափվե՛ք, քանի դեռ ուշ չէ». Նիկոլ Փաշինյան