Հայազգի Եվգենյա Մեդվեդևայի հայրը մեկնաբանել է նրա ազգանվան փոփոխությունը

Փհենչհանի Օլիմպիական խաղերում երկու արծաթե մեդալի արժանացած ռուսաստանցի գեղասահորդուհու՝ Եվգենյա Մեդվեդևայի հայրը՝ Արմեն Բաբասյանը «Մոսկովսկի կոմսոմոլեցին» տված հարցազրույցում պատմել է, որ դուստրն իր համաձայնությամբ է փոխել հայկական ազգանունը՝ վերցրելով իր տատի օրիորդական ազգանունը:

«Ազգանվան փոփոխությունը տեղի է ունեցել բացառապես իմ համաձայնությամբ, և այն պահին այդ որոշումը ճիշտ էր: Ինչ-որ պատճառներ կամ պատմություններ փնտրելն անիմաստ է: Դրանք պարզապես չկան»,- ընդգծել է Մեդվեդևայի հայրը, որը խոսել է նաև նրա մոր հետ իր ամուսնալուծության մասին: Հայտնի է, որ Մեդվեդևայի մայրը՝ Ժաննա Դեվյատովան, նույնպես գեղասահորդուհի է եղել:

Արմեն Բաբասյանի խոսքով՝ անկախ ամուսնալուծության փաստից՝ ինքը հաճախ է շփվում նախկին կնոջ հետ դստերը վերաբերող հարցերի շուրջ:

Երիտասարդ մարզուհու հաջողության թալիսմանը հայրը համարում է խաչը, որը նա մկրտության պահից ի վեր մշտապես կրում է:

Արմեն Բաբասյանը, ով մասնագիտության նկարիչ է, նշել է, որ դուստրը մանուկ հասակից հետաքրքրվում է նկարչությամբ և նրա նկարների փոքր հավաքածուն իր մոտ է գտնվում:

Նա շեշտել է նաև, որ Եվգենյայի հաջողություններով հատկապես հպարտանում են Հայաստանում՝ նրան անվանելով Եվգենյա Մեդվեդևա (Բաբասյան):

Հիշեցնենք, որ 18-ամյա մարզուհին 2015-2017 թվականներին դարձել է գեղասահքի Ռուսաստանի, աշխարհի և Եվրոպայի կրկնակի չեմպիոնուհի:

Այս թեմայով Գեղասահորդուհին, ում կուրծքը բացվել էր, այս անգամ էլի ինչ-որ բան է ցույց տվել (լուսանկարներ) Եվգենյա Մեդվեդևան՝ նոր ֆոտոշարքում Գեղասահք. Թինա Կարապետյան – Սիմոն Սենակալ զույգը 22-րդն է / տեսանյութ 13-ամյա ռուս գեղասահորդուհու ռեկորդը․ աղջիկը 2 քառակի թռիչք է կատարել / տեսանյութ «Բարդ կլինի»․ Մեդվեդեւան անկեղծացել է