Նախկին կնոջից մատանին հետ վերցնելու փորձն ավարտվել է սպանությամբ

Երեւանի Վաղարշյան փողոցում գտնվող «Պարմա» առեւտրի կենտրոնի մոտ 2013թ. նոյեմբերի 28-ին Արմեն Փիրոյանի սպանության փորձի գործով ամբաստանյալներից 2-ը դատապարտվեցին 13 տարվա ազատազրկման, մեկը՝ 2 տարվա:

Երեւան քաղաքի ընդհանուր իրավասության դատարանի Կենտրոն եւ Նորք Մարաշ նստավայրում այսօր՝ փետրվարի 26-ին, նախագահող դատավոր Աննա Մաթեւոսյանը հրապարակեց դատավճիռը, որի համաձայն, Աշոտ Մնացականյանն ու Արսեն Մաթեւոսյանը մեղավոր ճանաչվեցին Քրեական օրենսգրքի 34-104-րդ հոդվածի 2-րդ մասի 7-րդ կետով եւ դատապարտվեցին 12,5 տարվա, իսկ 258-րդ հոդվածի 4-րդ մասով՝ 4 տարվա ազատազրկման: Դատարանը վերջնական պատիժ սահմանեց 13 տարվա ազատազրկում: Ամբաստանյալ Էդվարդ Թորոսյանին արդարացվեց Քրեական օրենսգրքի 34-104-րդ հոդվածի 2-րդ մասի 7-րդ կետով, իսկ մյուս մեղադրանքը վերաորակվեց: Թորոսյանը մեղավոր ճանաչվեց Քրեական օրենսգրքի 258-րդ հոդվածի 3-րդ մասի 1-ին կետով եւ դատապարտվեց 2 տարվա ազատազրկման: Սա նշանակում է, որ Էդվարդ Թորոսյանը, որը կալանքի տակ է 2016թ.-ի մարտի 27-ից, 1 ամսից ազատության մեջ կլինի արդեն:

Հիշեցնենք, որ մեղադրող Արա Մնացականյանը միջնորդել էր Արսեն Մաթեւոսյանին, Աշոտ Մնացականյանին եւ Էդվարդ Թորոսյանին մեղավոր ճանաչել առաջադրված մեղադրանքներում եւ դատապարտել 13 տարվա ազատազրկման: Պաշտպանական կողմը, սակայն, միջնորդել էր արդարացնել երեք ամբաստանյալներին էլ:

Նշենք, որ Աշոտ Մնացականյանը, Արսեն Մաթեւոսյանն ու Էդվարդ Թորոսյանը մեղադրվում են խմբի կազմում խուլիգանական դրդումներով սպանության փորձ եւ որպես զենք օգտագործված առարկաների գործադրմամբ խուլիգանություն կատարելու մեջ: Ըստ մեղադրանքի, տուժող Արմեն Փիրոյանը նախկին կնոջից՝ Ա. Հովհաննիսյանից ամուսնալուծվելուց հետո ամուսնացել է մեկ ուրիշի հետ եւ մեկնել ԱՄՆ շրջագայության: Այդ ընթացքում Ա. Հովհաննիսյանը ծանոթացել է սույն գործով ամբաստանյալ Աշոտ Մնացականյանի հետ, որի հետ ունեցել է մտերիմ հարաբերություններ: Փիրոյանի ցուցմունքի համաձայն, ինքը մի քանի անգամ զանգահարել է նախկին կնոջն ու փորձել վերցնել ամուսնական մատանին: Նախկին ամուսինների հարաբերությունները պարզելու համար կնոջ ընկերը՝ Աշոտ Մնացականյանը, մի խումբ անձանց հետ հանդիպել է տուժողին: Սկսվել է վիճաբանություն, որն ավարտվել է ծեծկռտուքով:

Այս թեմայով Տեսանյութ չափահասների համար․ երիտասարդը փողոցում կրակել է ընկերուհու գլխին ու ինքնասպան եղել Նոր մանրամասներ «Երկրապահ»-ի փոխնախագահի սպանությունից 23-ամյա աղջիկը թունավորել է նախկին ընկերոջ մորը՝ տղայից վրեժ լուծելու նպատակով (լուսանկարներ) Սպանություն՝ ֆեյսբուքի ուղիղ եթերում․ լուսանկար Սեքսի ժամանակ սպանել է ուսանողուհուն, այնուհետ մասնատել և վառել