Մխիթարյանը խոսել է իր ցանկության մասին

«ESPN»-ը ներկայացրել է Լոնդոնի «Արսենալի» կիսապաշտպան Հենրիխ Մխիթարյանի հետ հարցազրույցի շարունակությունը: Հայ ֆուտբոլիստը խոսել է «զինագործների»` Եվրոպա լիգայում հաղթելու հնարավորությունների և Պրեմիեր լիգայում լավագույն քառյակում հայտնվելու մասին:

«Եվրոպա լիգան հաղթելը շատ կարևոր է, սակայն չեմ ասի, որ մենք դադարել ենք պայքարել ԱՊԼ-ում լավագույն քառյակում հայտնվելու համար:

Մենք դեռևս պայքարի մեջ ենք, քանի որ Պրեմիեր լիգայում ամեն ինչ հնարավոր է:

Շատ հաճախ թիմերը պարտվում են 2-3 խաղ անընդմեջ: Եթե այդ դեպքում մենք հաղթենք մնացած բոլոր խաղերում, ապա կարող ենք լավ արդյունքների հասնել: Փորձելու ենք ցանկացած մրցաշարում հաղթել բոլոր խաղերում և ուրախ լինենք, որ հաջողության հասնենք Եվրոպա լիգայում: Սակայն էլ ավելի երջանիկ կլինեք, եթե մրցաշրջանն ավարտենք ԱՊԼ-ի լավագույն քառյակում:

Նախորդ մրցաշրջանում «Արսենալը» չկարողացավ որակավորվել Չեմպիոնների լիգային: Այս մրցաշրջանում չենք ցանկանում դա կրկնել: Կփորձենք պայքարել ՉԼ-ի գոտում հայտնվելու համար: Հնարավոր է` անգլիական ակումբներն ավելի լուրջ են սկսել վերաբերվել Եվրոպայի լիգային, քանի որ այդ մրցաշարում հաղթելով հնարավորություն ես ստանում մասնակցել Չեմպիոնների լիգային»:

Մխիթարյանն ունի անձնական նպատակ. հաղթել Եվրոպա լիգան տարբեր ակումբներում:

«Ինչո՞ւ ոչ: Միշտ էլ հաճելի է տիտղոսներ նվաճելը, այն էլ երկու անգամ անընդմեջ: Հեշտ չի լինելու, քանի որ այս մրցաշարում կան բազմաթիվ ուժեղ ակումբներ: Պետք է պայքարենք յուրաքանչյուր խաղում և ցույց տանք, որ ցանկանում ենք հաղթել»,- ասել է Մխիթարյանը:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ Վենգերն՝ իր հեռանալու մասին «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել