«Թուրքը դու ես». դատախազը՝ Պավլիկ Մանուկյանին. տեսանյութ

News.am |

Երեւանի ընդհանուր իրավասության դատարանի Շենգավիթի նստավայրում «Սասնա ծռերի» գործով դատական նիստն անցնում է լարված մթնոլորտում։

Նախագահող դատավոր Մեսրոպ Մակյանը 5 ժամով նիստերի դահլիճից հեռացրեց «Սասնա ծռերի» անդամ Պավլիկ Մանուկյանին տեղից խոսելու համար։ Դրանից հետո դատախազ Պետրոս Պետրոսյանը տեղից ձեռքերով ինչ-որ բան ասեց, ինչն առաջացրեց Արայիկ Խանդոյանի վրդովմունքը։ Դատարանը սանկցիա կիրառեց նաեւ Արայիկ Խանդոյանի նկատմամբ եւ նրան նույնպես 10 ժամով հեռացրեց դատական նիստերի դահլիճից։

Պարզվեց, որ դատախազը Պավլիկ Մանուկյանին թուրք էր անվանել: Դրանից հետո դատավոր Մակյանը նկատողություն հայտարարեց դատախազ Պետրոս Պետրոսյանին։

Սասնա ծռերի անդամ Սմբատ Բարսեղյանը նույնպես ինքնակամ լքեց դատական նիստերի դահլիճը, դատավորը նրա նկատմաբ նույնպես դատական սանկցիա կիրառեց եւ 10 ժամով հեռացրեց նիստերի դահլիճից:

Պաշտպան Դավիթ Գյուրջյանին էլ վրդովեցրեց դատախազի նկատմամբ միայն նախազգուշացում հայտարարելը եւ հայտարարեց, որ մնում է միայն դատախազը «Սասնա ծռերի» անդամներին նիստերի դահլիճում ծեծի, որ նրա նկատմամաբ դատարանը ավելի խիստ սանկցիա կիրառի։

Հիշեցնենք, որ «Սասնա ծռեր» խմբի գործով դատաքննությունը մի քանի ամիս շարունակ չէր սկսվում, նիստերն անընդհատ տապալվում էին, որից հետո որոշում կայացվեց գործը բաժանել 3 մասի: «Սասնա ծռեր» խմբի 11 անդամի մասով գործը քննում է Արտուշ Գաբրիելյանը Ավան եւ Նոր Նորք վարչական շրջանների ընդհանուր իրավասության դատարանում, իսկ անջատված մասերով մյուս գործը Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Մեսրոպ Մակյանը:

Այս թեմայով «Երբ կթաղեք այդ գարշելի դիակին, այդ օրը կհռչակեք համայն հայության աչքալուսանքի օր»․ Պավել Մանուկյանը հայտարարություն է տարածել ԱԱԾ-ն Հայաստանում նախապատրաստվող ահաբեկչություններ է կանխել Խորհրդավոր շրջադարձ․ ԱՄՆ դեսպանի անսպասելի հայտարարությունը Ինչ է ասել Սերժ Սարգսյանի մասին Պավել Մանուկյանը՝ հեռախոսազրույցում․ Փաշինյանը սրում է ինտրիգը Կոմանդոսը մեկնաբանել է Սեֆիլյանի ազատազրկումը․ Տեսանյութ