Բողոքի ակցիա ԵՊՀ-ում՝ ծեծված փոխդեկանին պաշտոնից չհեռացնելու պահանջով
ՀասարակությունՕրեր առաջ տեղեկացրել էինք, որ Երեւանի պետական համալսարանում ծեծկռտուք էր տեղի ունեցել:
Ինչպես հայտնի է՝ ԵՊՀ ռոմանագերմանական ֆակուլտետի իր աշխատասենյակում ծեծի է ենթարկվել նույն ֆակուլտետի փոխդեկան 37-ամյա Գեւորգ Բարսեղյանը:
Լուրեր տարածվեցին այն մասին, որ փոխդեկանն ուսանողուհիներից մեկին տարօրինակ առաջարկություններ է արել, որի պատճառով ուսանողուհու բարեկամները հորդորել են Բարսեղյանին այլեւս նման պահվածք չցուցաբերել, ինչից հետո ծեծկռտուք է եղել:
Խնդրին անդրադարձել է նաեւ համալսարանի ռեկտոր Արամ Սիմոնյանը: Վերջինս «Հայկական ժամանակ»-ի հետ զրույցում ասել է, որ Բարսեղյանին կխնդրի փոխդեկանի պաշտոնն ազատելու մասին դիմում գրել:
Այսօր ռոմանագերմանական ֆակուլտետի մի խումբ ուսանողներ ԵՊՀ կենտրոնական մասնաշենքի դիմաց ակցիա են կազմակերպել՝ պահանջելով, որպեսզի փոխդեկանին չհեռացնեն պաշտոնից:
Ինչպես նշում են ֆակուլտետի ուսանողները՝ փոխդեկան Գեւորգ Բարսեղյանը պատկառելի վարքի տեր անձ է եւ միշտ բարեկիրթ է եղել բոլոր ուսանողների հանդեպ:
Ուսանողներից մեկը, ով, սակայն չցանկացավ նշել իր անունը, մեր զրույցում ասաց, որ իրականում վերոնշյալ ուսանողուհին «կոպիտ» վարքի տեր է: Ուսանողներն ասում են, որ Բարսեղյանն այդ ուսանողուհուն նկատողություն է արել շատ բացակայությունների պատճառով: Նրանք բացառում են, թե փոխդեկանը կարող էր տարօրինակ առաջարկություններ անել:
Ուսանողների ակցիան ցրվել է՝ վաղը կրկին հավաքվելու նպատակով: Վերջիններիս հաղորդել են, որ համալսարանում այսօր այլ թեմա է քննարկվում:
«Բարսեղյանը մնալու ա». ուսանողները պաշտպանում են իրենց դասախոսին. տեսանյութ
1
2
3
4
5
1
2
4
5
2
