«Այս պահի տվյալներով էլ ապօրինի հարստացման դեպքեր կարելի է բացահայտել». հանձնաժողովի նախագահ

Lragir.am-ի զրուցակիցն է Բարձրաստիճան պաշտոնատար անձանց էթիկայի հանձնաժողովի նախագահ Սիրանուշ Սահակյանը.

Տիկին Սահակյան, այս օրերին պաշտոնյաները ձեր հանձնաժողով են ներկայացնում 2017 թվականի իրենց գույքի և եկամուտների հայտարարագրերը: Հաշվի առնելով այն, որ նախորդ տարվա կեսերից ուժի մեջ է մտել ապօրինի հարստացումը քրեականացնող օրենքը, ինչպես նաև ընդունվել է Կոռուպցիայի կանխարգելման և կանխարգելման հարցերով մարմնի մասին օրենք, ի՞նչ է փոխվել այս տարի հայտարարագրերի ներկայացման գործընթացում:
Փոփոխվել են ժամկետները, նախկինում տարեկան հայտարարագրերը պետք է ներկայացվեին մինչև փետրվարի 15-ը, ներկայում երկարացվել են ժամկետները՝ սահմանելով մինչև մարտի 30-ը: Այսինքն՝ 2017 թվականի տարեկան հայտարարագրերը պետք է ներկայացվեն մինչև 2018 թվականի մարտի 30-ը: Ինչ վերաբերում է հայտարարագրերի բովանդակությանը, թե գույքի և եկամուտների մասով ինչ տվյալներ պետք է ներկայացվեն, օրենքների փաթեթները բովանդակության առումով դրույթներ չեն նախատեսել: Եվ նույնածավալ բովանդակությամբ հայտարարագրեր պետք է ներկայացնեն պաշտոնյաները, ինչպես նախկինում:
Ապօրինի հարստացման հետ կապված՝ ապագայում ստեղծվելիք Կոռուպցիայի կանխարգելման հարցերով մարմինն իրավասություն է ստանալու հայտարարագրերը վերլուծելու՝ առերևույթ դեպքեր բացահայտելու համար: Այսինքն՝ նպատակ է հետապնդելու այնպիսի մեթոդներով վերլուծելու հայտարարագրերը, ինչը հնարավորություն կտա բացահայտելու առերևույթ դեպքեր:
Կոռուպցիայի կանխարգելման հարցերով մարմնի ստեղծումը ե՞րբ է նախատեսվում:
Օրենքի այն դրույթները, որոնք վերաբերում են մարմնի ձևավորմանը, ուժի մեջ են մտնելու ապրիլից հետո: Հետո պետք է մրցույթ լինի, բավական բարդ ընթացակարգեր կան: Երբ որ Ազգային ժողովի կողմից առնվազն երեք անդամ կնշանակվի, այդ ժամանակվանից մարմինը կհամարվի ձևավորված, դրա ձևավորման փաստի ուժով կդադարի Բարձրաստիճան պաշտոնատար անձանց էթիկայի հանձնաժողովի գործունեությունը: Եվ այդ մարմնի ձևավորման պահից կսկսեն գործել Կոռուպցիայի կանխարգելման հանձնաժողովի մյուս դրույթները:

շարունակությունը՝ կայքում

Այս թեմայով էթիկետի 15 կանոն, որոնք չիմանալն ամոթ է Վահրամ Բաղդասարյանի աղմկահարույց հայտարարության հետքերով Ո՞վ է բանակում 40 միլիոն դրամ յուրացրած պաշտոնատար անձը. փոխնախարարը մանրամասնում է Բացահայտվել է բանակից 40 միլիոն դրամի հափշտակության դեպք Տարեկան 3․5 մլն դոլար. ինչպե՞ս է այն վաստակել կոռուպցիայի մեջ մեղադրվող «կավէէնշիկ» Մասլյակովը