EnterTrain-ը ներկայացնում է 5 հասանելի միջոց ծակոտիները մաքրելու համար, որոնք կօգնեն արդյունավետորեն վերացնել կոմեդոնները, կանխել պզուկների առաջացումը և վերադարձնել դեմքի մաշկի փայլը:
1. Ինհալացիա դեղաբույսերով և եթերայուղերով
Ջուր եռացրեք և խոնարհվեք դրա վրա՝ գլուխը սրբիչով ծածկելով:
Հանգստացնող բույսեր և եթերայուղեր ավելացնելը լավացնում է արդյունքը: Ավելի լավ է՝ մեկ բուռ երիցուկի թարմ ծաղիկները խառնել պատրինջի տերևների: Ինհալացիայի ջրին կարելի է նաև մի քանի կաթիլ բերգամոտ, գիհ, նարդոս, խնկունի, եղեսպակ ավելացնել:
Դեմքը գոլորշու վրա պահեք 10-15 րոպե: Այն սրբիչով սրբեք և խոնավեցնող քսուք քսեք:
2. Կիտրոնի հյութով, շաքարավազով և բուսական յուղով տոնիկ
1 թ. գ. կիտրոնի թարմ հյութին ավելացրեք 2 ճ. գ. շաքարավազ և մի քանի կաթիլ բուսական յուղ: Խառնուրդը քսեք չոր մաշկի այն հատվածներին, որտեղ ծակոտիներն առավել լայնացած են: Պահեք 15-20 րոպե, դեմքը սրբեք տաք խոնավ սրբիչով:
3. Մաքրող դիմակ վարսակի փաթիլներով
Խառնեք մի քիչ վարսակի փաթիլներ, մի քանի կաթիլ խնձորի քացախ և 1 թ. գ. մեղր: Խառնուրդը քսեք դեմքին և թողեք 15-20 րոպե: Մաշկը լավ մերսեք շրջանաձև շարժումներով և լվացվեք տաք ջրով:
4. Աղով սկրաբ (ծակոտիների խորը մաքրման համար)
Մաշկը վնասելուց և վարակի տարածումից խուսափելու համար այս միջոցը չի կարելի օգտագործել, եթե դեմքի վրա պզուկներ և այլ բոբոքային երևույթներ կան:
Դիմահարդարումը մաքրելու միջոցին (1 թ. գ.) ավելացրեք նույնքան աղ (կարելի է աղացած սուրճով փոխարինել) և լավ խառնեք: Միջոցը թեթև մերսող շարժումներով քսեք գոլորշիով լավ խոնավեցված դեմքին՝ խուսափելով շուրթերի և աչքերի շրջակա հատվածից: Առանձնակի ուշադրություն պետք է դարձնել Т-գոտուն (քթին, ճակատին, կզակին):
Սկրաբը մի քանի րոպե թողեք դեմքի վրա, հետո լվացեք ջրով:
5. Սառույցի կտորներ ակնթարթային արդյունքի համար
Եթե դեմքի վրա պայթած անոթիկներ ունեք, այդ մեթոդից հրաժարվեք:
Սառույցի կտորները փաթաթեք փափուկ կտորի մեջ և դրեք լայնացած ծակոտների վրա: Մաշկն անմիջապես ավելի առաձգական կդառնա, ավելորդ յուղոտությունը կվերանա:
Այս մեթոդից կարելի է օգտվել ամեն անգամ դիմահարդարվելուց առաջ:
Կոսմետոլոգների խորհուրդներ ստացված արդյունքը պահպանելու համար՝
1. Հրաժարվեք կոսմետիկայից, որի բաղադրության մեջ հանքային յուղեր կան: Այն խցանում է ծակոտիները և աղտոտում է մաշկը:
2. Սահամանափակեք յուղոտ հիմքով միջոցների օգտագործումը՝ նախապատվութունը տալով ինտենսիվ խոնավեցնող քսուքներին:
3. Սովորական տոնային միջոցի փոխարեն՝ թեթև հեղուկներ օգտագործեք:
Ազատվեք պզուկներից՝ օգտագործելով հետևյալ սնունդը
Դեմքի «քարտեզ», որը կպատմի՝ ինչն է անհանգստացնում օրգանիզմին
Մեր դեմքը՝ մանրադիտակի տակ / տեսանյութ
Ավելորդ քաշ, ավելորդ մազեր… ինչի մասին են խոսում այս նշանները
Դեմքը շատ բան է պատմում առողջության մասին. սովորեք ճիշտ հասկանալ օրգանիզմի ազդանշանները / լուսանկարներ
1
2
3
4
5
1
2
3
4
5
2
4
