Ինչից է կախված լայնածավալ պատերազմը

Լրագրի զրուցակիցն է քաղաքագետ Արմեն Գրիգորյանը.

Պարոն Գրիգորյան, ինչպե՞ս եք գնահատում ԱՄՆ Ազգային հետախուզության տնօրեն Դանիել Քոութսի «Համաշխարհային սպառնալիքների գնահատական» հաշվետվությունը, որտեղ նշվում է 2018 թվականին Ղարաբաղում լայնածավալ պատերազմի վտանգի մասին, որ երկու կողմերում էլ առկա է զիջումների գնալու ցանկության բացակայություն։ Որքանո՞վ են հավանական լայնամասշտաբ գործողություններ:
Այն, որ երկու կողմին էլ զինելով, տարածաշրջանի ռազմականացմամբ լուրջ վտանգ է ստեղծվում տարածաշրջանային անվտանգության համար, բազմիցս նշվել է նաև նախկինում՝ թե հայ, թե օտարերկրացի վերլուծաբանների կողմից: Ներկայում բանակցող երկու կողմերը (ԼՂՀ-ի բանակցային գործընթացից դուրս մղված լինելու պայմաններում) իսկապես զիջումների գնալ չեն ցանկանում, միաժամանակ ադրբեջանական կողմն անթաքույց կերպով հայտնում է իր դժգոհությունը ԵԱՀԿ դիտորդական առաքելության ընդլայնման կապակցությամբ, ինչպես նաև տվյալ առաքելության լիարժեք աշխատանքին խոչընդոտելու մտադրությունը: Ինչ վերաբերում է լայնամասշտաբ ռազմական գործողություններին, դրանց հավանականությունը մնում է կախված ադրբեջանա-ռուսական համագործակցության աստիճանից և Ռուսաստանի «խաղաղարար» գործողություն ծավալելու ունակության գնահատականից:
ԱՄՆ-ն ծանուցել է Հայաստանի կառավարությանը, որ Ռուսաստանի ռազմարդյունաբերական համալիրի ընկերությունների հետ պայմանագիր կնքելու պարագայում հնարավոր է թիրախում հայտնվի: Ինչպե՞ս եք գնահատում այս՝ արդեն բաց տեքստով ակնարկները։
Բնականաբար, նման ծանուցում միայն Հայաստանին չի ուղարկվել, սակայն Ռուսաստանի նկատմամբ պատժամիջոցների ընդլայնումը բավական վաղուց աստիճանաբար տեղի էր ունենում, անսպասելի ոչ մի բան տեղի չունեցավ: Ակնհայտ է նաև, որ գործընթացը կշարունակվի: Եվ քանի որ տեղի ունեցածը կանխատեսելի էր, իհարկե հարցեր են առաջանում. օրինակ, Հայաստանի իշխանությունն ինչո՞ւ է հետևողականորեն բարդացրել այլընտրանքից օգտվելու հնարավորությունները, մասնավորապես անվերապահորեն ընդունելով Եվրասիական միության մաքսային կանոնները, որոնց պատճառով բարդացել է այլ երկրների արտադրանքի գնումը: Այժմ ամեն դեպքում պետք է ԱՄՆ-ի նախազգուշացմանը լուրջ վերաբերել և այլընտրանք փնտրել՝ ոչ միայն ռազմարդյունաբերական համալիրի արտադրանքի, այլև էներգետիկ ռեսուրսների մատակարարման դիվերսիֆիկացման նպատակով, որպեսզի հետագայում փաստի առջև չկանգնենք:

շարունակությունը՝ կայքում

Այս թեմայով Հայաստանի պաշտպանությունն ու հզորացումը՝ Հայաստան-Ռուսաստան-Իրան Ռազմաքաղաքական նո՛ր Դաշինքի մեջ. Խաչիկ Ասրյան Հայաստանը հայտնվել է կիզակետում Կուտակումներ․ Ղարաբաղի բանակը նոր տեսանյութ է հրապարակել Ղարաբաղի բանակը հաղորդագրություն է տարածել Լավրովն ու Մամեդյարովը Ղարաբաղի հարցով քննարկում են անցկացրել