Դաշնակցություն և «Ծառուկյան» խմբակցությունները կհամագործակցեն
ՔաղաքականությունԱԺ ՀՅԴ և «Ծառուկյան» խմբակցությունները համատեղ կաշխատեն վարկանիշային ընտրակարգի փոփոխության հարցի շուրջ: Այսօր ԱԺ-ում լրագրողների հետ զրույցում «Ծառուկյան» խմբակցության պատգամավոր Նաիրա Զոհրաբյանը հայտարարեց, որ երեկ զրուցել է ՀՅԴ խմբակցության ղեկավար Արմեն Ռուստամյանի հետ և առաջարկել միասին նախագիծ պատրաստել:
«Մենք պատրաստ ենք քննարկել համամասնական ընտրակարգի տարբեր մոդելներ, որոնք բացառում են այս կերպ վարկանիշային ընտրակարգը»,- ասաց Ն.Զոհրաբյանը: Ըստ նրա` եթե ստացվի համատեղ նախագիծ ներկայացնել, դա կլինի քաղաքական կոնսենսուս:
Անդրադառնալով ՀՀԿ-ի անզիջում դիրքին ռեյտինգային ընտրակարգը պահպանելու հարցում, Ն.Զոհրաբյանը քաղաքական մեծամասնությանը մի փորձարկում առաջարկեց.
«Այն քաղաքական գործիչները, որոնք ներառված են ՀՀԿ-ի ցուցակում, եթե ունենային քաղաքացիական խիզախություն` առաջադրվելու վարկանիշային ընտրակարգով, ապա ես ձեզ հավաստիացնում եմ, որ իրենց հետ առաջադրված որևէ խանութպան մի քանի անգամ ավելի ձայն էր հավաքելու, քան իրենք: Եվ եթե իրենք կարծում են, որ դա է ժողովրդավարությունը, ապա ես մեծ վերապահում ունեմ «ժողովրդավարություն» հասկացության իրենց ընկալման մասին»:
Ն. Զոհրաբյանը հիշեցրեց, որ Ընտրական օրենսգրքի ընդունման ժամանակ իրենք ևս համաձայնել են դրան, որովհետև դա եղել է կոմպրոմիս, քանի որ կառավարությունը հրաժարվում էր ընդունել մի քանի կարևորագույն դրույթներ` ընտրացուցակների հրապարակում, տեղամասերում տեսանկարահանում: Սակայն, ըստ նրա՝ այստեղ ողբերգություն չկա.
«Ի վերջո, ցանկացած օրենք կիրարկման ժամանակ է ցույց տալիս իր դրական կամ բացասական կողմերը: Ապրիլյան ընտրությունները 1 բանի մասին վկայեցին` քաղաքական ընտրություններ տեղի չունեցան: Եվ եթե մենք ուզում ենք, որ ընտրությունները լինեն քաղաքական, ապա վարկանիշային այս ընտրակարգը րոպե առաջ պետք է հանվի»:
Աշխարհաքաղաքական տարբեր կենտրոններ ինձ առաջարկել են վարչապետ լինել. Գագիկ Ծառուկյան
«Ժողովրդի կամքի դեմ որեւէ քայլ չենք անելու». Զոհրաբյանը՝ Ծառուկյանի առաջադրվելու մասին
ԲՀԿ-ն միացավ շարժմանը
«Բարգավաճ Հայաստան» կուսակցության քաղաքական խորհրդի հայտարարությունը
Գագիկ Ծառուկյանի այս նախաձեռնությունը համարում եմ հեղափոխական քայլ․ Գեղամ Հարությունյան
1
2
3
4
5
3
4
5
1
2
3
