Դառը համ բերանում. պատճառներ և խնդրի լուծման ուղիներ

EnterTrain-ը ներկայացնում է բերանում դառնահամի 8 հնարավոր պատճառ և խնդրի լուծման ուղիներ:

1. Թթվային ռեֆլյուքս (այրոց)
Առաջացնում է այրոցի զգացում, ցավ կոկորդում, սրտխառնոց, այրոց բերանում և այլն:

2. Հղիություն
Կապված է հորմոնալ փոփոխությունների հետ: Սովորաբար դա անցնում է առաջին եռամսյակից հետո:

3. Բերանի խոռոչի հիվանդություններ
Պերիոդոնտիտը, գինգիվիտը (լնդերի բորբոքում) և կարիեսը կարող են բերանում դառնահամի պատճառ դառնալ:

4. Ծխել
Ծխախոտը պարունակում է վնասակար միացություններ, որոնք վնասում են համային ընկալիչները, սակայն այդ ազդեցությունը շրջելի է:

5. Որոշ դեղամիջոցներ
Դրանցից են՝ հակաբորբոքային դեղերը, հակաբիոտիկները, հակագիստամինային միջոցները, լիթիումը, զարկերակային հիպերտենզիայի բուժման համար դեղերը:

6. Վարակներ
Հարբուխով կամ գրիպով հիվանդները բողոքում են համի զգացողության կորստից կամ համի ընկալման խախտումից:

7. «Այրվող բերանի» համախտանիշ
Առաջանում է՝ այրոցի զգացում բերանի խոռոչում, չորություն բերանում, դառը կամ մետաղական համ:

8. Ծանր մետաղներով թունավորում
Բերանի դառնության պատճառ կարող է լինել կապարով, սնդիկով կամ բիսմութով թունավորումը:

Ինչպես ազատվել բերանի դառնահամից

• Շատ ջուր խմեք
• Հետևեք բերանի խոռոչի հիգիենային՝ ատամները և լեզուն մաքրեք օրական 2 անգամ, բերանը ողողեք, ատամի թել օգտագործեք ատամների մեջտեղները մաքրելու համար
• Տարեկան երկու անգամ ատամնաբույժի այցելեք
• Եթե հակված եք այրոցի, սահամանփակեք կծու և յուղոտ սննդի, ալկոհոլի և սուրճի օգտագործումը
• Ավելացրեք թքի արտադրությունը (առանց շաքարի մաստակ օգտագործեք, ցիտրուսային մրգեր կերեք)
• Բերանը ողողեք կերակրի սոդայի լուծույթով: