«Դրանք իմ կյանքի ամենածանր նկարահանումներն էին». Աննա Մանուչարյան

«SOS. Փրկեք մեր հոգիները» սարսափի եւ ֆանտաստիկայի ժանրերով հարուստ ֆիլմաշարն արդեն մի քանի օր է, ինչ «Արմենիա Պրեմիումի» եթերում է: Այստեղ նկարահանվում է դերասանուհի Աննա Մանուչարյանը, ով Life.panorama.am-ի զրուցակիցն է:

Դերասանուհին պատմեց, որ հեռուստասերիալի պրոդյուսերից նկարահանվելու առաջարկ ստանալուց հետո երկար չի մտածել:

«Երբ Արա Բաղդասարյանից առաջարկ ստացա, այդ ընթացքում բազմաթիվ այլ հրավերներ ունեի, սակայն դրանցից մի քանիսն արդեն հասցրել էի մերժել: Իսկ Արային վաղուց էի ճանաչում, վստահում էի նրա պրոֆեսիոնալիզմին, հետո խոսելով նաեւ սցենարի եւ կերպարիս մասին, որոշեցի համաձայնել: Հիմա, երբ աշխատանքը եթերում է, կրկին համոզվում եմ, որ չեմ սխալվել»,- նշեց Աննան:

Դերասանուհին պատմեց, որ բարդ նկարահանումներ են ունեցել, քանի որ դրանք արվել են ցուրտ եղանակին եւ անտառում:

«Այս նկարահանումները դեռ երկար կհիշեմ, քանի որ դրանք բավականին հետաքրքիր եւ դժվար պայմաններում իրականացան: Վստահ կարող եմ ասել, որ դրանք իմ կյանքի ամենաանսպասելի, ամենածանր նկարահանումներն էին, բայց քանի որ մենք պատկերացնում էինք, թե ինչպիսինն է լինելու ավարտուն տարբերակը, ուստի փորձում էինք ցրիտց շատ չնեղվել եւ անգամ ողջ գիշեր նկարահանվել մութ անտառում: Մեր տրամադրությունը մշտապես բարձր էր նաեւ ստեղծագործական թիմի շնորհիվ, նրանք իսկապես ամեն ինչ անում էին, որպեսզի բոլորս ջերմ հարաբերություններ ունենանք»,- պատմեց Աննան:

«SOS. Փրկեք մեր հոգիները» ֆիլմաշարն իր ժանրով նորություն է հայկական ֆիլմարտադրության մեջ, սակայն Աննայի խոսքով, իրեն դեռեւս միայն դրական կարծիքներ են հասել:

շարունակությունը՝ կայքում

Այս թեմայով Արամեի երեխայի ատամհատիկը՝ լուսանկարներով Ինչու է Մովսեսի կինը որոշել ծննդաբերել Ամերիկայում Աննա Գևորգյանը խոստովանել է, թե ինչն է մանկուց սիրել Մովսես Երեմյանի եւ կնոջ նոր լուսանկարները Մովսես Երեմյանի ու Աննա Սիմոնյանի կազմակերպած baby shower-ը․ լուսանկարներ