Աղջիկների հինգ սխալները՝ ֆլիրտի ժամանակ

1. Մի կարծեք, թե նա կռահում է ձեր համակրանքի մասին

Դուք համարո՞ւմ եք, որ տղամարդը գիտի ձեր բոլոր զգացմունքների ու համակրանքի մասին, միայն որովհետեւ դուք հրաշալի տե՞սք ունեք: Ավաղ դա այդպես չէ: Արեք առաջին քայլը ու ցույց տվեք ձեր տրամադրվածությունը: Առանց ջանք գործադրելու ձուկ չես որսա: Նա չի հասկանա, որ ձեզ դուր է գալիս, եթե դուք ցույց չտաք: Դրա համար էլ մի վախեցեք նրան որեւէ ձեւով ցույց տալ ձեր համակրանքը:

2. Մի պատմեք նրան ձեր երկրպագուների մասին

Մի գործեք այդ ճակատագրական սխալը: Եթե դուք տղամարդուն ասում եք, որ նա հաղթել է ձեզ սիրահետող բոլոր մյուս տղամարդկանց, դրանով դուք կիրք կամ հիացմունք չեք ներշնչում նրան: Այլ պարզապես ստիպում եք մտածել, որ դուք թեթեւաբարո կին եք ու հետաքրքրված չեք երկարաժամկետ հարաբերություններով:

3. Չափազանց ինքնավստահ կամ կոպիտ մի եղեք

Ամաչկոտ տղամարդու հետ սկիրախաղի ժամանակ չափազանց ինքնավստահ մի եղեք ու մի փորձեք նրան ապացուցել, որ դուք ոչ մի թերություն չունեք: Իսկ ինքնավստահ տղայի հետ սիրախաղի ժամանակ էլ չարժե կոպիտ լինել: Շատ աղջիկներ սիրում են վիրավորել ինքնավստահ տղաներին, քանի որ դա նրանց վստահություն է ներշնչում, որ իրենք իշխանություն ունեն նման երիտասարդների նկատմամբ: Իրականում, նման վարքագիծը միայն վանում է տղամարդուն:

4. Անընդհատ մի՛ ծիծաղեք

Տղաները սիրում են կատակել: Նրանք այդպես փորձում են բարձրացնել աղջկա տրամադրությունը ու ցույց տալ, թե ինչ զվարճալի են իրենք: Իհարկե նրա կատակների վրա պետք է ծիծաղել, բայց չափը մի անցեք: Պետք չէ քրքջալ, եթե դուք նրա պատմած պատմությունը ծիծաղելի չեք համարում: Դա անբնական է թվում, ու ամենայն հավանականությամբ նա կհասկանա, որ դուք ձեւեր եք թափում:

5. Չափից շատ մի խմեք

Քիչ քանակության խմիչքը ժամադրությունը չի փչացնի: Ավելին, դուք կկարողանաք լիցքաթափվել ու ձեզ ավելի ինքնավստահ զգալ: Սակայն այս հարցում կարեւոր է չափավորությունը: Հարբել պետք չէ. եթե ոգելիցի հարցում չափը թեկուզ թեթեւակիորեն անցնեք, ձեր դեմքը կկորցնի թարմությունը, դիմախաղը անվերահսկելի կդառնա եւ առհասարակ՝ հարբած կինը բավականին խղճուկ տեսարան է: Ժամանակակից տղաները նախընտրում են աղջիկների, որոնք չունեն վնասակար սովորություններ՝ այսինքն չեն ծխում կամ խմում:

Այս թեմայով «Թողեցի ընկերոջս՝ հանուն նրա հոր». պատմություն՝ արգելված սիրո մասին Կինն՝ ինչպես ավտոմեքենա․ ինչու հարուստները սիրելով չեն ամուսնանում Ընդամենը երկու բառ, որոնք տղամարդուն կստիպեն շփվել ձեզ հետ Արտահայտություններ, որ չպետք է ասել առաջին հանդիպման ժամանակ «Ես քեզ սիրում եմ»․ 12 ջերմ նկար՝ հարաբերություններում ամենանուրբի և զվարճալիի մասին