Վրացական գյուղերի ուրվականը

Արդեն երկրորդ շաբաթն է` Վրաստանում քննարկում են «կումիսյան» ուրվականին: Կումիսին գյուղ է Քվեմո Քարթլիի մարզում: Տեղացիները պնդում են, որ «կումիսյան ուրվականին» արդեն տեսել են հարեւան գյուղերում` Կոդայում, Բորբալոյում, Ասուրեթիում եւ Գոուբանիում: Տեղացիները պատմում են, որ դա բարձր, նիհարոտ արարած է` ներկված դեմքով եւ տարօրինակ ձայներ արձակող… Նախ նա պատուհաններն է թակում, որ իրեն տուն թողնեն, իսկ եթե նրա առաջ դուռը չեն բացում, սկսում է պատուհանը ջարդել: Նրան բռնել չի հաջողվում: Նա անհետանում է: ՆԳՆ-ի մամուլի ծառայության տվյալների համաձայն, իրավապահ մարմինների աշխատակիցները չեն անտեսել «կումիսյան ուրվականի» վերաբերյալ ոչ մի հաղորդագրություն եւ նույնիսկ գործ են հարուցել Քրեական օրենսգրքի 160-րդ հոդվածով, ինչը ենթադրում է բնակտարածքի անձեռնմխելիության կամ ուրիշի ունեցվածքի խախտում: «Քննությունը սկսվել է Կումիսիի բնակչի տանը քերծվածքների հայտնվելով, եւ բոլոր տեղեկությունները մանրամասնորեն ստուգվում են: Գործի մեջ ներառված են բոլոր փաստերը, որ բնակչությունը կապում է այդ չճանաչված օբյեկտի հետ: Տվյալ փուլում դեռեւս որեւէ էական բան չի հայտնաբերվել», — ասել են ՆԳՆ-ի մամուլի ծառայությունից: Իրավիճակը բարդանում է նաեւ նրանով, որ բոլոր վկաները ուրվականին տարբեր կերպ են նկարագրում, նշել են ՆԳՆ-ից:

Այս թեմայով Վարորդը նկարահանել է՝ ինչպես է կնոջ ուրվականը հետևում իրեն (տեսանյութ) Բացառիկ տեսանյութ հանկարծակի հայտնված ուրվական-գնացքից Թափառող հոգիներ ու առեղծվածային երևույթներ՝ Ավանի 5-րդ փողոցում․ տեսանյութ Կինն ամուսնացել է իր տանը բնակվող ուրվականի հետ ՇՈԿ. հանգուցյալ Մայքլ Ջեքսոնին տեսել են հարսանիքի ժամանակ