«Բացեցի, տեսա ատրճանակ էր». Արմեն Սարգսյանը փակագծեր է բացել իր ու Վազգեն Սարգսյանի հարաբերություններից

«Բացառվում էր, որ իմ ու Վազգենի միջև կոնֆլիկտ լիներ, մանավանդ, որ մենք շատ լավ բարեկամներ ենք եղել միշտ»: Այս մասին «Շանթ» հեռուստաընկերության եթերում հայտարարել է Մեծ Բրիտանիայում ՀՀ արտակարգ եւ լիազոր դեսպան, Հանրապետական կուսակցության կողմից ՀՀ 4-րդ նախագահի պաշտոնին առաջադրված Արմեն Սարգսյանը՝ անդրադառնալով պաշտպանության նախկին նախարար Վազգեն Սարգսյանի հետ ունեցած իր հակասությունների, վիճաբանության մասին մամուլի հրապարակումներին:

«Ես քսան տարի չեմ խոսել այդ մասին, որովհետև դժվար է խոսել անձնական կյանքի մասին, բայց, քանի որ նախագահն ինձ նախագահի թեկնածու առաջադրելու ցանկություն է հայտնել, հասկանում եմ, իհարկե, կան սահմաններ, բայց կան դրվագներ, որ պետք է պարզաբանեմ։ Բացառվում էր, որ իմ ու Վազգենի միջև կոնֆլիկտ լիներ, մանավանդ, որ մենք շատ լավ բարեկամներ ենք եղել միշտ»,-ասել է Արմեն Սարգսյանը։

Նա պատմել է, որ 1997-ին ծանր հիվանդացել է ու սկզբում չի գիտակցել դրա ծանրությունը. «Ես երախտապարտ եմ մի քանի մտերիմների, որոնք ինձ հորդորեցին զբաղվել իմ առողջությամբ: Բժշկի զննությունից հետո պարզվեց լուրջ հիվանդություն ունեմ ու պետք է վիրահատվեմ: ՀՀ նախագահին ասացի այդ մասին, և նա ու շատ գործընկերներ պնդեցին, որ շտապ մեկնեմ վիրահատվելու: Ես երախտապարտ եմ նրանց, որ նրանք ինձ պնդեցին մեկնել Հայաստանից և վիրահատվել արտերկրում: Վիրահատվեցի ու մեկ ու կես տարի շատ ծանր բուժման ճանապարհ եմ անցել: Վստահ եմ, որ եթե նրանք ինձ չհամոզեին մեկնել Հայաստանից, ապա դուք այժմ ուրիշի հետ հարցազրույց կանեիք:

Ես շատ մարդկանց հետ եմ խոսում, ես շատ հանգիստ եմ խոսում մարդկանց հետ, փորձում եմ համոզել նրանց, լսել, խոսել: Վազգենի հետ բացառվում է, որ նման բան լիներ: Նրա հետ մենք շատ զվարճալի պատմություններ ենք ունեցել: Ես հասկանում եմ, որ եթե Վազգեն Սարգսյանը հրաշքով լիներ մեր կողքին, ու հայտարարեր, որ սուտ է, կլինեին սրամիտներ ու կասեին, որ դա քաղաքական կոնսպիրացիա է: Վազգենի հետ մենք շատ ենք թենիս խաղացել: ...Մենք պայմանավորվեցինք, որ եթե ինքը հաղթի զինվորական մեկ դյուժին մեքենա եմ նվիրելու, իսկ եթե ես հաղթեմ, կտա՝ ինչ ցանկանում է: Ես շատ լավ էի խաղում թենիս, բայց ցանկացա էդ պահին ես պարտվեմ, որ նվերը տայի: Ու այդպես էլ եղավ: Երբ արդեն վերադառնում էի Լոնդոն, Վազգենը եկավ ճանապարհելու: Նա չէր հաշտվել թենիսի խաղի արդյունքների հետ ու ասաց, որ ինքն էլ իր նվերն է բերել: Նվերը իհարկե, վազգենական էր՝ բացեցի, տեսա ատրճանակ էր անվանական», - պատմել է Արմեն Սարգսյանը:

Այս թեմայով Հայաստանի պաշտպանությունն ու հզորացումը՝ Հայաստան-Ռուսաստան-Իրան Ռազմաքաղաքական նո՛ր Դաշինքի մեջ. Խաչիկ Ասրյան Նառա Սարգսյանը՝ հղիության, բալիկի սեռի և անվան ընտրության մասին Նախագահը հանդես է եկել հայտարարությամբ ՀՀ նախագահը կարգադրություններ է արել Նախագահը հանդիպել է Սերժ Սարգսյանի և Կարեն Կարապետյանի հետ