Ինչու է Նեյմարը միտումնավոր սրում հարաբերությունները ՊՍԺ-ի ու նրա երկրպագուների հետ

Ֆրանսիական ՊՍԺ-ի բրազիլացի հարձակվող Նեյմարը ցանկանում է այս ամռանը տեղափոխվել Մադրիդի «Ռեալ», գրում է AS-ը:

Արքայական ակումբում խաղալու համար 25-ամյա բրազիլացին պատրաստ է գնալ նաեւ աշխատավարձի կրճատման (այժմ նա ստանում է տարեկան 36 միլիոն եվրո): Նշվում է, որ Նեյմարը միտումնավոր սրում է հարաբերություններն ակումբակիցների ու ՊՍԺ-ի երկրպագուների հետ, որպեսզի ակումբի ղեկավարությունը բաց թողնի նրան:

«Դիժոնի» դեմ Ֆրանսիայի առաջնության 21-րդ տուրի խաղում (8:0) ՊՍԺ-ի երկրպագուները սուլել էին Նեյմարին, քանի որ նա թույլ չէր տվել 11 մետրանոց հարվածն իրացնել ուրուգվայցի հարձակվող Էդինսոն Կավանիին, որը դարպասը գրավելու դեպքում կդառնար ՊՍԺ-ի պատմության լավագույն ռմբարկուն: Այդ խաղում բրազիլացի հարձակվողը դարձել էր 4 գոլի եւ 2 գոլային փոխանցման հեղինակ:

Հիշեցնենք, որ Բրազիլիայի հավաքականի ֆուտբոլիստին ձեռք բերելու համար ՊՍԺ-ն այս մրցաշրջանից առաջ 222 միլիոն եվրո էր վճարել «Բարսելոնային»: Նեյմարը դարձավ պատմության ամենաթանկ ֆուտբոլիստը:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին