Ստոիչկովը՝ Գվարդիոլայի ու Մոուրինյոյի մասին

«Բարսելոնայի» նախկին հարձակվող Խրիստո Ստոիչկովը բնութագրել է իր նախկին ակումբակից, այժմ անգլիական «Մանչեսթեր Սիթին» գլխավորող կատալոնացի Խոսեպ Գվարդիոլային, նաեւ դրվատանքի խոսքեր է ասել «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոյի մասին, որը նույնպես աշխատել է «Բարսելոնայում», երբ կատալոնական թիմում հանդես է եկել Ստոիչկովը:

«Գվարդիոլան իսկական առանորդ է: Ամբողջ թիմային խաղը կառուցվում էր նրա շուրջ, կենտրոնում նրա դիրքի շնորհիվ: Ամեն գրոհը սկսվում էր նրանից: Կումանը պարզապես գնդակը փոխանցում էր Պեպին, իսկ նա անում էր մնացածը:

Գվարդիոլական մարզչական կարիերայի ընթացքում իհարկե լավ ֆուտբոլիստների պակաս չի ունեցել: Երբ ակումբն ունի ֆինանսական հնարավորություններ, այդպիսի խնդիր չի լինում: Գվարդիոլան այդպես է աշխատել «Բարսելոնայում», «Բավարիայում» եւ «Մանչեսթեր Սիթիում»:

Իսկ Մոուրինյոն միշտ ունեցել է ուրույն դիրքորոշում: Նա միշտ գրառումներ էր կատարում՝ նշելով, թե յուրաքանչյուր ֆուտբոլիստ մարզումների ժամանակ ինչ կարող է անել, ինչ չի կարող: Հետո նա այդ մասին պատմում էր Ռոբսոնին: Մոուրինյոն աշխարհի լավագույն մարզիչներից մեկն է: Նա միշտ մեկ քայլ առաջ էր»,- Ստոիչկովի խոսքը մեջբերում է Goal.com-ը:

51-ամյա բուլղարացին «Բարսելոնայում» հանդես է եկել 1990-1995 եւ 1996-1997 թվականներին:

Այս թեմայով Ֆուտբոլիստը թքել է «Մանչեսթեր Սիթիի» տարբերանշանի վրա․ Տեսանյութ Մոուրինյոն կհեռանա, եթե․․․ Մոուրինյուն խաղից հետո մտել է «Սևիլիայի» հանդերձարան Ջեյմի Կարագերը թքել է MU-ի երկրպագուի և նրա 14-ամյա դստեր վրա (տեսանյութ) «Մանչեսթեր Յունայթեդ»-ն ուլտիմատում է տվել Պոգբային