Հովիկ Աբրահամյանը նշում է ծննդյան 60-ամյակը

Այսօր ՀՀ նախկին վարչապետ Հովիկ Աբրահամյանի ծննդյան օրն է, նա նշում է իր 60-ամյակը: Աբրահամյանը ծնվել է 1958 թ. հունվարի 24-ին Արարատի մարզի Մխչյան գյուղում: Ավարտել է Երևանի ժողովրդական տնտեսության ինստիտուտը:

Աբրահամյանի աշխատանքային գործունեությունը սկսվում է 90-ականներից, այդպիսով՝ 1990-1991 թթ. Եղել է Բուրաստանի կոնյակի գործարանի բաժնի պետ, այնուհետև հաջորդող չորս տարիներին զբաղեցրել է Արտաշատի գինու-կոնյակի գործարանի տնօրենի պաշտոնը:

Իր քաղաքական կարիերան Աբրահամյանը սկսել է 1995 թվականից, երբ ընտրվել է ՀՀ-ի Ազգային ժողովի առաջին գումարման պատգամավոր։ Հաջորդող տարիներին զբաղեցրել է Արտաշատի քաղխորհրդի գործկոմի նախագահի, Արտաշատի քաղաքապետի, Արարատի մարզի մարզպետի պաշտոնները: Ապա՝ 2000-ականներին, արդենզբաղեցրել է ՀՀ տարածքային կառավարման և քաղաքաշինության գործունեությունը համակարգող նախարարի, տարածքային կառավարման նախարարի պաշտոնները:
2005 թ.-ից հանդիսանում է ՀՀ Ազգային անվտանգության խորհրդի անդամ:

2007-2008 թթ. եղել է ՀՀ փոխվարչապետ, ՀՀ տարածքային կառավարման նախարար: Այնուհետև՝ 2008 թ. ապրիլ-սեպտեմբեր ընկած ժամանակահատվածում եղել է ՀՀ նախագահի աշխատակազմի ղեկավար:

2008 թ. ընտրվել է ՀՀ չորրորդ գումարման Ազգային ժողովի պատգամավոր: Աբրահամյանը ԱԺ նախագահ է եղել երկու անգամ՝ , 2008-2011 թթ և 2012-2014թթ:
Առաջին անգամ նրա՝ ԱԺ նախագահի լիազորությունները դադարեցվել են 2011 թ. նոյեմբերին ՝հրաժարականի իր դիմումի համաձայն: Այնուհետև 2012թ. ընտրվել է ԱԺ պատգամավոր և հաջորդող երեք տարիներին կրկին զբաղեցրել է ԱԺ նախագահի պաշտոնը:

2014թ. արդեն նշանակվել է ՀՀ վարչապետ՝ պաշտոնավարելով 2 տարի: 2016թ. սեպտեմբերին Աբրահամյանը հայտարարեց իր հրաժարականի մասին: Ամուսնացած է, ունի երեք զավակ և ութ թոռնիկ:

Newsarm.am-ի ողջ անձնակազմը շնորհավորում է պարոն Աբրահամյանին՝ ծննդյան 60-ամյակի կապակցությամբ՝ մաղթելով քաջառողջություն, երկար տարիների կյանք:

Այս թեմայով 10-ամյա Սառան ցնցել է «Ձայնը. երեխաներ» շոուի ժյուրիին (տեսանյութ) Ռուբեն Հայրապետյանը` ծառայությունից խուսափած հայ ֆուտբոլիստի մասին Մանրամասներ հայ ֆուտբոլիստի սկանդալային խնդրանքի մասին «Հայկական բանակում կարող են ինձ սպանել»․ հայ ֆուտբոլիստի աղմկահարույց հայտարարությունը Ռուսաստանի հայերի միությունը մեկնաբանել է Արա Աբրահամյանի հասցեին ուղղված մեղադրանքը