ՀԱՅ ՀՅՈՒՊԱՏՈՍԻ ԸՆՏԱՆԻՔԸ, ՆԱԽԿԻՆ ԵՎ ՆԵՐԿԱՅԻՍ ԿՆՈՋ ԿՈՆՖԼԻԿՏԸ ՌՈՒՍԱԿԱՆ ԼՐԱՏՎԱՄԻՋՈՑՆԵՐՈՒՄ (լուսանկարներ)

Աշխարհ 24 Հունվար, 2018 19:20

Լիոնում Հայաստանի գլխավոր հյուպատոս Նիկոլայ Սարկիսովի եւ մոդել Իլոնա Կոտելյուխի սիրավեպը սկսվել է մոտ երեք տարի առաջ։ Նրանց սիրավեպը լրատվամիջոցներին հետաքրքրում էր հատկապես տարիքային տարբերության պատճառով. Նիկոլայ Սարկիսով, ով «ՌԵՍՕ» ընկերության փոխնախագահն է եւ Ռուսաստանի ամենահարուստ մարդկանցից մեկը, 50 տարեկան է, իսկ Իլոնա Կոտելյուխը` 24։ Մոդելը նախորդ տարի Սարկիսովին որդի պարգեւեց։

Նախկինում Նիկոլայ Սարկիսովը 11 տարի ամուսնացած էր Յուլիա Լյուբիչանսկայայի հետ։ Նրանք ունեն երեք երեխա։

Սարկիսովի նախկին եւ ներկայիս կանայք ունեն լարված հարաբերություններ, որոնց մասին բարձրաձայնում են սոցիալական ցանցերում։

«Ես ինքս եմ եղել մեր բաժանման նախաձեռնողը, քանի որ հոգնել էի նվաստացումներից, վիրավորանքներից եւ ճնշված լինելու զգացողությունից։ Վանդակը ինչից էլ լինի, միեւնույնն է վանդակ է մնում։ Միայն տղամարդիկ չէ, որ իրավունք ունեն հեռանալու, մենք եւս ունենք այդ իրավունքը, ունենք էմոցիաներ, սիրելու եւ սիրված լինելու ցանկություն»,- իրենց բաժանումից հետո գրել էր Սարկիսովի նախկին կինը։

Բացի այս գրառումից, նա իր սոցիալական ցանցի էջում գրել էր, որ հյուպատոսի ներկայիս կինը՝ Իլոնան, ամեն կերպ ներխուժում է իր անձնական կյանք, կրկնօրինակում իրեն, իրավունք վերապահում պատասխանել իր եւ իր երեխաներին վերաբերող հարցերին։

«Մենք ապրում ենք մեր կյանքով, ոչնչով չենք հետաքրքրվում, եւ ընդհանրապես՝ խաղաղություն ամբողջ աշխարհին… Ես խաղաղություն եւ ընկերության կողմնակից եմ, սակայն, ինչպես ասում են, ով մեր դեմ է դուրս եկել սրով, նա էլ կզոհվի»,- գրել էր նա։

Ռուսական լրատվամիջոցները նկատում են, որ հյուպատոսի երկու կանայք չափազանց նման են միմյանց, հաճախ չի լինում նրանց տարբերելլ: Ներկայացնում ենք Նիկոլայ Սարկիսովի ընտանեկան լուսանկարները.