ՄԽԻԹԱՐՅԱՆԸ ԿԱՐՈՂ Է ՎՐԵԺ ԼՈՒԾԵԼ ՄՈՈՒՐԻՆՅՈՅԻՑ
ՍպորտՀենրիխ Մխիթարյանը տեղափոխվեց Լոնդոնի Արսենալ։ Թերևս սա լավագույն տարբերակն է, քանի որ «զինագործների» կազմում Հայաստանի հավաքականի կիսապաշտպանը հնարավորություն կստանա վերագտնել երբեմնի լավագույն որակներն ու մասնակից դառնալ գլխավոր մարզիչ Արսեն Վենգերի խաղային փորձարկումներին ու մարտավարական նորարարություններին։ Վենգերը լավագույններից մեկն է խաղացողներին ինտեգրելու, մոտիվացնելու և բացելու տեսանկյունից։ Մխիթարյանից պահանջվում է միայն ադապտացվել Արսենալի յուրօրինակ փիլիսոփայությանը, վերականգնել մարզավիճակը և հարմարվել Վենգերի բնավորության հետ։ Այո՛, նա հաստատուն սկզբունքներ և ծանր բնավորություն ունեցող մասնագետ է, ու Մխիթարյանին նոր փորձություններ են սպասվում, որոնք նա պետք է հաղթահարի։
Իսկ ինչ վերաբերում է Մանչեստր Յունայթեդին և Ժոզե Մոուրինյոյին, ապա պետք է արձանագրել, որ Հենոն իսկապես չկարողացավ ինտեգրվել «կարմիր սատանաների» կազմում և դառնալ Մոուրինյոյի խաղային փիլիսոփայության կարևորագույն բաղադրիչներից մեկը։ Հնարավոր է իրավիճակն այլ լիներ, եթե Մանչեստրը գլխավորեր Ալեքս Ֆերգյուսոնը, բայց ունենք այն, ինչ-որ ունենք, սըր Ալեքսը հեռացել է՝ հեռվից լուռ հետևելով, թե ինչպես է Մոուրինյոն Եվրոպայի ամենահարձակվողական թիմերից մեկը փոխակերպում տոտալ պաշտպանություն դավանող «միջնաբերդի»։ Այսպիսի պայմաններում Հենրիխը ոչինչ անել չէր կարող, հատկապես, եթե հաշվի առնենք այն հանգամանքը, որ իսկապես այդքան էլ բարձրակարգ խաղ ցույց չէր տալիս։
Պետք է հասկանալ, որ Մոուրինյոն իսկապես պատմություն կերտող մեծ մարզիչ է ու այդ ճանապարհին բնական է, որ շատերը պետք է դուրս մղվեն, իսկ ոմանց ճակատագրերը պարզապես պետք է խեղվեն։ Սա ավելի քան օրինաչափ է ու տրամաբանական, քանի որ առանց այդ վճռականության երբեք հնարավոր չի լինի հաջողության հասնել։ Մխիթարյանը պարզապես չդիմացավ մրցավազքին և դուրս մղվեց։ Ասվածի համատեքստում հօդս է ցնդում Հայաստանում տարածված այն մտայնությունը, թե իբրև թե Մոուրինյոն թույլ մասնագետ է և անձնական խնդիրներից ելնելով խնդիրներ է առաջացրել «հանճարեղ» Հենոյի համար։ Երիցս ո՛չ, պարզապես Հենոն չի համապատասխանել մարզչի խաղային պատկերացումներին և իր առջև դրված խնդիրները ըստ պատշաճի չի իրականացրել։
Դժվար է պատկերացնել, թե ինչպե՞ս կարող է Մոուրինյոն թույլ մասնագետ լինել, եթե երկու տարբեր ակումների՝ Պորտուի և Ինտերի հետ միասին տարբեր ժամանակներում դարձել է Չեմպիոնների Լիգայի հաղթող, Պորտուգալիաում, Անգլիայում, Իտալիայում, Իսպանիայում նրա գլխավորած թիմերը հասել են բացառիկ արդյունքների։ Բավական է միայն նշել, որ նրա գլխավորած Չելսին 2000-ական թթ․ դարձավ Եվրոպայի հզորագույն և ամենաագրեսիվ թիմերից մեկը։ Այդ շրջանում անպարտելի Բարսելոնային լուրջ դիմադրություն կարողանում էին ցույց տալ միայն «ազնվականները» Մոուրինյոյի գլխավորությամբ։ Եվ այսպես, նրա նվաճուրմներն ու ռեկորդները բազմաթիվ են, որոնք վկայությունն են այն բանի, որ Ժոզեն ֆուտբոլի պատմության լավագույն մասնագետներից մեկն է։ Բացի այդ Մոուրինյոյի կարիերան դեռ առջևում է և վստահաբար նա դեռևս հասնելու է նորանոր բարձունքների։
Իսկ Հենրիխ Մխիթարյանը արդեն 29 տարեկան է։ Ֆուտբոլում դա տարիք է, երբ արդեն աստիճանաբար նշմարվում է հանգստի գնալու հեռանկարը։ Եվ այս տեսանկյունից Հենրիխը պետք է փորձի Արսենալում հասնել առավելագույնին՝ հաշվի առնելով այն հանգամանքը, այդ թիմը տիտղոսներ նվաճելու համար չէ։ Դա պարզապես Արսենալն է իր բացառիկ դիմագծով և ուրույն փիլիսոփայությամբ։
Վերջաբանի փոխարեն միայն նշենք, որ Հենոն կարող է վրեժ լուծել Մոուրինյոյից՝ դառնալով զինագործների առաջատարներից մեկը և հնարավորության դեպքում գոլ խփելով Արսենալ-Մանչեստր Յունայթեդ առաջիկա խաղում։
Նորություններ Մխիթարյանի առողջական վիճակից
Ռոնալդուն առաջին անգամ կարող է պահեստայինների նստարանին մնալ
«Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան
Մխիթարյանը հայտարարություն է տարածել
Բերեզովսկին վերադառնում է. հայտնի է, թե ովքեր կօգնեն Մինասյանին
1
2
3
4
5
1
2
3
4
5
1
3
4
5
