400 գրամ քաշով ծնված փոքրիկը, որի ողջ մնալու հավանականությունը փոքր էր, տուն է տեղափոխվել (լուսանկարներ)

Երբևէ լույս աշխարհ եկած ամենափոքր երեխաներից մեկը, որը ծնվելուն պես 400 գրամ էր կշռում, վեց ամիս անց դուրս է գրվել հիվանդանոցից և տուն տեղափոխվել:

Ինչպես ներկայացնում է The Independent-ը, Մանուշի անունով փոքրի աղջնակը լույս աշխարհ է եկել 28 շաբաթականում, երբ նրա մոր մոտ հղիության հետ կապված բարդություններ էին առաջացել:

Փոքրիկը ծնվել է Հնդկաստանի Ռաջաստան նահանգում հունիսի 15-ին: Վաղաժամ ծնված փոքրիկն անգամ չէր շնչում ծնվելուն պես: Բարակ մաշկով, թերաճ օրգաններով և ձեռքի ափի մեջ տեղավորվող այս փոքրիկի ողջ մնալու հավանականությունն այնքան էլ մեծ չէր: Սակայն ի հեճուկս նվազ վիճակին, Մանուշին, ով ճանաչվել է Ասիայում ծնված և ողջ մնացած ամենափոքր երեխան, սկսել է քաշ հավաքել:

Նրա 48-ամյա մայրը՝ Սիտան, կատարվածը հրաշք է անվանում: Փոքրիկը ծնվել է կեսարյան հատման միջոցով: Այժմ 6 ամսական փոքրիկն արդեն 2.5 կգ է կշռում:

Նշվում է, որ փոքրիկի կյանքը փրկելու համար հիվանդանոցի բուժանձնակազմը գումար չի վերցրել նրա ծնողներից, իսկ վեցամսյա խնամքի արժեքը կկազմեր 1 մլն ռուպի (11 500 ֆունտ ստերլինգ):