Միջադեպ քրեակատարողական հիմնարկի մոտ՝ միզելու համար

ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում քննություն է տարվում՝ պարզելու «Արմավիր» քրեակատարողական հիմնարկի վարչական շենքի մոտ տեղի ունեցած միջադեպի հանգամանքները:

Նախնական տվյալներով՝ 2017թ. դեկտեմբերի 8-ին՝ ժամը 14:00-ի սահմաններում, ՀՀ ԱՆ «Արմավիր» ՔԿՀ վարչական շենքի մոտ տեղի է ունեցել միջադեպ՝ հիմնարկի այցելուների մասնակցությամբ: Պարզվել է, որ ՔԿՀ այցելած մի քաղաքացի նույն հիմնարկի աշխատակցի կողմից արգելված գոտուն չմոտենալու, այնտեղ չմիզելու պահանջից հետո սկսել է բարձրաձայն հայհոյել: Այնուհետև մոտեցել է ՔԿՀ-ի գլխավոր մուտքի դռանը, որտեղ գտնվել են նրա հետ այցելած այլ անձինք, ովքեր նույնպես սկսել են բարձրաձայն հնչեցնել հայհոյանքներ՝ խախտելով հասարակական կարգը:

Դեպքի առթիվ «Արմավիր» ՔԿՀ հետաքննության բաժնում հարուցվել է քրեական գործ՝ ՀՀ քրեական օրենսգրքի 258-րդ հոդվածի 1-ին մասով, և քրեական գործն ուղարկվել է ըստ ենթակայության՝ Արմավիրի մարզային քննչական վարչության Վաղարշապատի քննչական բաժին։ Քննիչը 2017 թվականի դեկտեմբերի 27-ին ընդունել է վարույթ, և ձեռնարկվում են անհրաժեշտ քննչական և օպերատիվ-որոնողական միջոցառումներ` դեպքի հանգամանքների օբյեկտիվ, լրիվ և բազմակողմանի քննությունն ապահովելու ուղղությամբ:

Այս թեմայով Սեյրան Սարոյանի այցը՝ Մանվել Գրիգորյանին, բանտախցում (Տեսանյութ) Ինչու է գիշերը զուգարան գնալը վտանգավոր առողջության համար Դարպասապահը միզել է խաղի ժամանակ Բնական կարիքները հոգալը տուրիստի վրա 1500 եվրո է նստել «Եւ հանկարծ պարզվում է, որ այդ «գազանները» որպես մարդ ավելի բարձր են»․ Վարդան Պետրոսյանն անկեղծացել է բանտային կյանքի մասին