Արևիկ Ուդումյանի նոր ֆոտոշարքը

 

Հաղորդավարուհի Արևիկ Ուդումյանն ու ամուսինը՝ Արամ Վարդևանյանն իրենց փոքրիկի՝ Ռուբենի հետ Ամանորը կդիմավորեն Հայաստանում։ Տոներին ընդառաջ Արևիկ Ուդումյանն ու որդին նկարահանվել են Tert.am Life–ի ամանորյա ֆոտոշարքում։

 

Արևիկը սիրում է Ամանորն ու հավատում կախարդանքին։ Ասում է` հենց այն տարիքում, երբ պիտի սկսեր չհավատալ Ամանորի կախարդանքին, ծնվեց Ռուբենը։

 

«Երեխայի հետ սկսում ես կրկնակի հավատալ հեքիաթին։ Ռուբենը դեռ լիարժեք չի գիտակցում տոնը, բայց տոնական շունչը զգում է, վայելում է երգերի, լույսերի տեսքով, բնականաբար, նաև նվերներ ենք պատրաստել իր համար,– ասաց Արևիկն ու հետաքրքիր փաստ նկատեց, –Որքան մեծանում է Ռուբենը, այնքան փոքրանում է մեր  տան տոնածառը։ Նա շատ ակտիվ է, եթե մեծ տոնածառ դնեինք, հաստատ վատ ավարտ կունենար։ ) Այս տարի փոքր տոնածառ եմ զարդարել, որն իրենից հնարավորինս հեռու է»։

 

Հաղորդավարուհին ու ամուսինը տոնը կնշեն իրենց մեծ ընտանիքի հետ։ Արևիկն ասաց, որ ամուսնությունից հետո իրենց ընտանիքում ավանդույթ է դարձել այսպես դիմավորել Ամանորը։ Արևիկը սիրում է լինել ընտանիքի հետ, նրան ոգևորում է այն փաստը, որ իրենց ընտանիքում, գրեթե, ամեն տարի նոր մարդուկներ են ավելանում` Ռուբենը, նրա զարմիկները և այդպես շարունակ։

 

 

Լուսանկարները՝ Գևորգ Խուրշուդյանի

Դիմահարդարումը`  Մերի Համբարձումյանի (Aga Image Studio)

Վարսահարդարումը` Նանա Ղազարյան–Հունանյանի (Aga Image Studio)

Նկարահանումներն իրականացվել են Cascade Royal-ում