Քարդաշյանը վախեցել է, որ իրեն կբռնաբարեն

Որոշ մանրամասներ են հրապարակվել Փարիզում հեռուստաաստղ Քիմ Քարդաշյանի վրա զինված հարձակումից և կողոպուտից: Մասնավորապես, պորտալը գրում է, որ Քիմը քնած է եղել, երբ աստիճանների վրա ձայներ է լսել: Մինչ նա կհասցներ կանչել իր թիկնապահին, հեռախոսը նրա ձեռքից խլել են: Այդ ընթացքում նրա ընկերուհին հասցրել է թաքնվել ներքևի հարկի լոգարանում, դուռը ներսից կողպել և զանգահարել է Քիմի անձնական թիկնապահ Պասկալ Դուվիեին, ով այդ ժամանակ Քորթնիի և Քենդելի հետ եղել է մոտակա գիշերային ակումբներից մեկում: Պորտալը գրում է, որ 35-ամյա Քիմն այդ ընթացքում խնդրել է խնայել իր կյանքը՝ նշելով, որ 2 երեխա ունի: Նրա սենյակ ներխուժած ոստիկանի համազգեստով 5 անձինք կապկպել են նրա ձեռքերը, նրան թողել լոգարանում և հեռացել: Ավելի ուշ Քիմը ոստիկանությանն ասել է, որ վախենում էր՝ իրեն բռնաբարեն: Նա նաև նշել է, որ կողոպտիչները ֆրանսերեն են խոսել, և այդ պահին նա չի հասկացել՝ ինչ են խոսում: Այնուամենայնիվ, նա լսել է՝ ինչպես են նրանք կրկնում՝ «մատանի, մատանի»: Նա հասկացել է, որ փնտրում են իր 20 կարատանոց մատանին, և ասել է դրա տեղը: Մատանին Քիմին նվիրել էր ամուսինը՝ Քանյե Ուեսթը. այն արժե 4.5 մլն դոլար: Կողոպտիչները գողացել են նաև Քարդաշյանի զարդատուփը, որը գնահատվում է ՝ 6.7 մլն դոլար: Հաղորդվում է, որ Քիմի թիկնապահը հասցրել է ժամանել կողոպտիչների հեռանալուց երկու րոպե հետո:

Նյութն՝ «Առավոտ»-ի