Ի՞նչ վտանգներ են ձեզ սպասում գեղեցկության սրահներում

Ռութգերսի Հասարակական առողջապահության դպրոցի մասնագետները հարցում են անցկացրել գեղեցկության սրահների 90 մշտական հաճախորդների շրջանում, որոնց 94 տոկոսը կանայք են: Մասնակիցները պատասխանել են առողջությանը, այդ թվում՝ սրահներում վտանգներին եւ անվտանգության կանոններին վերաբերող հարցերի:

Հարցվածների երկու երրորդից ավելին գեղեցկության սրահ այցելելուց հետո բախվել է մեկ կամ մի քանի առողջական խնդիրների, օրինակ՝ սնկային ինֆեկցիաների կամ շնչառական հիանդությունների ախտանիշների: Կոնկրետ սնկային ինֆեկցիաների մասին հայտնել է մասնակիցների 10 տոկոսը: Եվս 42 տոկոսի մոտ մաշկի հետ կապված խնդիրներ են առաջացել (դեմքի կամ ձեռքերի հատվածում քոր, կտրվածքներ, այրոցի կամ ծակոցի զգացումներ, եղունգների շուրջը ցավ կամ կարմրություն, եղունգների գունաթափում): Մարդիկ հաճախ բախվում են նաեւ մատնահարդարման ժամանակ օգտագործվող քիմիական նյութերի հանդեպ ալերգիկ ռեակցիաներով:

Յուրաքանչյուր 6-րդ հարցվածը բողոքել է շնչառական հիվանդությունների ախտանիշներից (հարբուխ, արցունքակալող աչքեր, քոր աչքերում, շնչառության ծանրացում եւ գլխացավ): Հետաքրքիր է, որ վարսահարդարման սրահների հետ համեմատած՝ խնդիրներն առավել հաճախ առաջացել են մատնահարդարման սրահներ այցելելուց հետո, սակայն մասնագետները վստահ չեն, որ պատճառահետեւանքային կապ կա:

Մասնագետները մի քանի խորհուրդ են պատրաստել նրանց համար, ովքեր գեղեցկության սրահներ հաճախ են այցելում եւ ցանկանում են իրենց պաշտպանել հնարավոր վտանգներից: Նախ անհրաժեշտ է համոզվել, որ սրահը մաքուր է եւ այն լիցենզիա ունի: Այնուհետեւ հարկ է պարզել, թե ինչպես են ախտահանում գործիքները. կարեւոր է հարցնել՝ արդյոք դրանք ավտոկլավի՞ մեջ են ախտահանում: Դրանից բացի, ձեռքերի կամ ոտքերի մատնահարդարման ժամանակ ստացած վնասվածքները պետք է ճիշտ մշակվեն: Փորձագետները դիաբետիկներին խորհուրդ են տալիս սրահներում ոտքերի մատնահարդարումն առանձնահատուկ զգուշությամբ կատարել:

Այս թեմայով Երեւանի կենտրոնում. Ինչպես են հագնվում հայ աղջիկներն ամռանը Ինչպես 1 րոպեում գեղեցիկ տեսք ունենալ (տեսանյութ) Օգտակար խորհուրդներ՝ աղջիկների համար «Չեմ կարող անտարբեր լինել». «Միսս Արմենիա» Լիլի Սարգսյան Ժամանակը չի խնայում. ահա թե ինչպես են ծերացել 20-րդ դարի գեղեցկուհիները / լուսանկարներ