Այսօր` դեկտեմբերի 27-ին, երգչուհի Զարուհի Բաբայանը նշում է ծննդյան 42-ամյակը: Life.panorama.am-ը հետաքրքրվել է, թե ինչպես է ժպտադեմ երգչուհին սկսել տոնական օրը, ինչ անակնկալներ է ստացել ու թե ի՞նչ է ինքն իրեն մաղթում:
«Դեռ կեսգիշերից օրս հոյակապ սկսվեց: Առաջինը ընտանիքս ինձ շնորհավորեց, դե իսկ հետո ու մինչ այս ժամը շնորհավորանքներն անթիվ ու անհամար են: Այս տարեդարձս անակնկալներով լի էր: Առավոտյան եթերի էի, ու գործընկերներս հենց ուղիղ եթերում շատ անսպասելի հայտարարեցին, որ անակնկալ են ինձ համար պատրաստել եւ եթեր գնաց նրանց պատրաստած տեսանյութը, որտեղ անծանոթ մարդիկ շնորհավորում էին ինձ ու բարեմաղթանքներ հղում: Հավատացնում եմ` դա շատ հուզիչ ու հաճելի էր»,- պատմեց Զարուհի Բաբայանը:
Երգչուհին օրը կանցկացնի ընտանեկան, մտերմիկ մթնոլորտում: Նա չբացահայտեց, թե ընտանիքի անդամները ինչ նվեր են տվել իրեն, բայց խոստովանեց, որ այն շատ անսպասելի ու մեծ անակնկալ է եղել:
Բազմաթիվ ծանոթ եւ անծանոթ մարդկանցից բարեմաղթանքներ լսելը երգչուհու համար շատ կարեւոր է, սակայն հարցին, թե ի՞նչ է ինքն իրեն մաղթում, պատասխանեց.
«Երբ մարդ շատ երիտասարդ է, ցանկություններն ուրիշ հարթության վրա են, իսկ ավելի հասուն տարիքում, երբ ունես ընտանիք, երեխաներ, եւ գիտակցում ես կյանքիդ յուրաքանչյուր փուլի կարեւորությունն ու հետաքրքրությունը, առաջինը մտածում ես առողջության մասին: Հիմա թե ինձ, թե դիմացինիս առողջություն եմ ցանկանում, միայն այդ դեպքում ես կյանքին պարզ եւ ուրախ աչքերով նայում: Այս տարիքում ես ավելի եմ գնահատում առողջության կարեւորությունը, եւ կարծում եմ, որ մարդիկ պետք է իրենց նկատմամբ շատ ավելի ուշադիր լինեն, պետք է կարողանան իրենց խնայել, ավելի շատ սիրել սեփական անձը: Առողջ լինելու դեպքում ամեն ինչ կհաջողվի: Այնպես որ, առաջինը ինքս ինձ եւ բոլորին առողջություն, ապա երջանկություն եւ խաղաղություն եմ մաղթում: Իմ կյանքում հասկացել եմ, որ միայն սիրելի աշխատանքով եւ սիրելի մարդկանցով շրջապատված լինելով կարող ես իսկապես երջանիկ լինել»:
Կինը 40-ից հետո Զարուհի Բաբայանի համար շատ ավելի հետաքրքիր է:
«Կինը 40–ից հետո շատ ավելի իմաստուն է, այդ տարիքում նա ավելի շատ է գնահատում այն, ինչ ունի, ավելի շատ է սեր տալիս, քան պահանջում, իսկ դա ամենակարեւորն է: Կարծում եմ` մարդը անընդհատ սեր պահանջելով չի կարող այդքան գեղեցիկ եւ երջանիկ լինել, որքան, երբ սեր է տալիս: Չէ որ, շատ հաճելի է, երբ դիմացինիդ երջանկություն ես պարգեւում: Պետք է միշտ հիշել, որ այն, ինչ մեր ներսում կա, դա արտահայտվում է մեր դեմքին: Ինքս շատ եմ սիրում ժպտալ, մարդկանց միայն լավ բաներ ասել, դա բումերանգի նման միշտ հետ է գալիս»,- հավելեց նա:
Զարուհի Բաբայանն իր ծնողների համար իսկական ամանորյա նվեր է: Երգչուհին եւս մեկ անգամ շնորհակալություն հայտնեց ծնողներին եւ զրույցի վերջում իր բարեմաղթանքը հղեց մարդկանց Ամանորի եւ Սուրբ Ծնունդի կապակցությամբ:
«Հայրս շուտով 70 տարեկան կլինի, բայց նա շատ կենսուրախ է եւ ես հիանում եմ իրենով, մայրս եւս շատ հանգիստ ու կամեցող մարդ է, ուստի երեւի տեսակիս համար նրանց եմ պարտական: Հիմա եւս մեկ անգամ եմ ուզում ասել, որ շատ եմ սիրում ծնողներիս, շատ շնորհակալ եմ նրանց, որ կամ, եւ ունեմ այս կյանքը: Ուզում եմ, որ նրանք մեր կողքին լինեն ու միշտ ժպտան: Ծնողներիս առողջություն եմ մաղթում, իսկ բոլորիս համար ցանկանում եմ, որպեսզի խաղաղություն լինի, ուրախ լինենք եւ կարողանանք այս կյանքը վայելել: Ասում են, մահից հետո էլ կյանք կա, հուսամ, որ այդ կյանքն ավելի լավն է, բայց ուզում եմ, որ երկրային կյանքն էլ իսկապես ուրախությամբ ապրենք: Բոլորին խաղաղություն, երջանկություն, առողջություն, ժպիտ ու շատ սեր եմ մաղթում»,- ավարեց մեր զրուցակիցը:
Միանում ենք շնորհավորանքներին եւ Զարուհի Բաբայանին մաղթում է նորանոր ձեռքբերումներ:
Բաբայանի գեղեցիկ գոլը «Բրոնդբյուի» դարպասին․ Տեսանյութ
Զարուհի Բաբայանի հուզմունքն ու «Երգի մոլորակ»-ի շնորհանդեսի չնախատեսված դրվագը
Զարուհի Բաբայանն անկեղծացել է անձնական կյանքի դժվարությունների և այլնի մասին
«Իմ դժբախտություններն իմն են». Զարուհի Բաբայան
«Չեմ ամաչում». Զարուհի Բաբայանն անկեղծացել է իր և դստեր հարաբերությունների մասին
1
2
3
4
5
4
5
2
4
