Թեւոսիկի եղբոր սպանության գործով հնչեց Իսոյի դատավճիռը

«ՀԺ»

Կենտրոն եւ Նորք-Մարաշ վարչական շրջանների ընդհանուր իրավասության դատարանում դատավոր Արմեն Բեկթաշյանի նախագահությամբ հրապարակվեց Քրեական աշխարհում որպես «Կայարանցի Թեւոսիկ» հայտնի Թեւոս Սաֆարյանի եղբոր՝ Արթուր Սաֆարյանի սպանության գործով դատավճիռը:

Կայարանցի Թեւոսիկի եղբոր՝ Արթուր Սաֆարյանի սպանության կազմակերպման, այդ սպանությունը կատարողին սպանելու եւ ապօրինի զենք, զինամթերք ձեռք բերելու, պահելու, կրելու, գործադրելու համար մեղադրվում է Իսրայել Սարգսյանը: Դատավճռով նա մեղավոր ճանաչվեց եւ դատապարտվեց 25 տարվա ազատազրկման:

Հիշեցնենք, որ այս գործով դատավճիռը պետք է հրապարակվեր դեռեւս հունիսի 22-ին, սակայն դատավորն անսպասելի որոշում էր կայացրել դատաքննությունը վերսկսելու վերաբերյալ: Նման որոշում դատավորը կայացրեց նաեւ երկրորդ անգամ՝ այդպես էլ չհրապարակելով սույն գործով դատավճիռը:

Մեղադրող դատախազը Իսրայել Սարգսյանի համար պահանջել էր 25 տարվա ազատազրկում:

Հիշեցնենք, որ Արթուր Սաֆարյանի սպանությունը տեղի էր ունեցել 2014-ի հունվարի 26-ի լույս 27-ի գիշերը: Համաձայն գործի նյութերի` Իսրայել Սարգսյանը Մովսես Ներսիսյանին է պատվիրել Արթուր Սաֆարյանի սպանությունը, ապա Մովսեսին սպանել Դավթաշենում գործող «Մագնում» հյուրանոցում եւ դիակը տեղափոխել ու նետել Զովունի-Քանաքեռավան տանող ճանապարհին գտնվող կոյուղու դիտահորը: Մոսոյի դիակն այդպես էլ մինչ օրս չի հայտնաբերվել: Առաջադրված մեղադրանքում Սարգսյանն իրեն մեղավոր չի ճանաչում:

Այս թեմայով Տեսանյութ չափահասների համար․ երիտասարդը փողոցում կրակել է ընկերուհու գլխին ու ինքնասպան եղել Նոր մանրամասներ «Երկրապահ»-ի փոխնախագահի սպանությունից 23-ամյա աղջիկը թունավորել է նախկին ընկերոջ մորը՝ տղայից վրեժ լուծելու նպատակով (լուսանկարներ) Սպանություն՝ ֆեյսբուքի ուղիղ եթերում․ լուսանկար Սեքսի ժամանակ սպանել է ուսանողուհուն, այնուհետ մասնատել և վառել