Գայանե Ասլամազյանը` ոճը փոխելու և ամուսնու արձագանքի մասին

Գայանե Ասլամազյանը փոխել է ոճը։ Հայկական եթերի կայուն կերպարներից մեկը հրաժարվել է երկար վարսերից ու այսուհետև իր լսարանին կներկայանա ավելի կարճ սանրվածքով։ Tert.am Life–ը Գայանեի հետ խոսել է ինչպես նոր սանրվածքի, այնպես էլ ամուսնու արձագանքի և ամուսնալուծության լուրերի մասին։

«Մազերիս գույնը երբեք չեմ փոխել, սակայն սանրվածքի փոփոխություն շատ եմ արել։ Ե՛վ շատ կարճ սանրվածք եմ ունեցել, և՛ երկար, և՛ միջին։ Մազերի հանդեպ թուլություն չունեմ, մազ է, կերկարի։ Ինձ համար մշտական է միայն գույնը»,– ասաց հաղորդավարուհին, ով գոհ է իր նոր ոճից։

Խոսելով ամուսնու` Ջիանի Օնչոյի արձագանքի մասին` Գայանեն ասաց, որ նա նախապես իմացել է իր մտադրության մասին. «Իր հետ համաձայնեցրել էի որոշումս։ Իհարկե, տղամարդիկ երկար մազ են սիրում, բայց ինքն ինձ ամեն ձև է սիրում»։

Այսօր հրապարակում էր եղել, թե Գայանեի ոճափոխությունը կարող է սթրեսի հետևանք լինել, քանի որ նրա Ինստագրամի էջում ամուսնու հետ շատ քիչ լուսանկարներ են մնացել, չի բացառվում, որ նա ամուսնալուծվել է։ Դերասանուհին ծիծաղով արձագանքեց այս նորությանը, ապա նկատեց, որ վերջին այցի ընթացում անընդհատ ապատեղեկատվության զոհ է դառնում` նախ լուր տարածվեց, թե ինքը վթարի է ենթարկվել և մահացել, հիմա էլ, թե սթրեսի մեջ է, ամուսնալուծվում է։

«Կարծում էի` Հայաստանը պետք է մի քիչ ավելի ջերմ ընդունի ինձ։ Ես գիտեմ, որ տուն եմ գալիս։ Ես շատ երջանիկ եմ, ուրախ, իսկ ոճափոխությունն արել եմ Ամանորին ընդառաջ։ Ես պարտավոր չեմ հանրությանն անընդհատ քննություն տալ, հրապարակել անձնական լուսանկարներ, որ մարդիկ իմանան` ես երջանիկ եմ։ Շատ շնորհակալ եմ, որ այդքան ուշադիր են»,– ասաց նա։

Ի դեպ, Գայանեի Ինստագրամի էջից հին լուսանկարների ջնջվելը պայմանավորված է այն հանգամանքով, որ նրա էջը կոտրել էին։ Ընդ որում` ջնջված են ոչ միայն ամուսնու հետ, այլև մյուս լուսանկարները։

Այս գիշեր դերասանուհին մեկնում է ԱՄՆ. «Գնում եմ ամուսնուս մոտ, ԱՄՆ հասնում եմ իր ծննդին և Նոր տարվան ընդառաջ։ Ես շատ հաճախ եմ գալու Հայաստան` իմ մամայի մոտ։ Եթե գալիս եմ Հայաստան, չի նշանակում, որ իմ անձնական կյանքը քանդվել է»,– նկատեց հաղորդավարուհին։

Այս թեմայով Գայանե Բալյանը՝ ոճային փոփոխության, սարսափ ֆիլմում իր կերպարի մասին, եւ ոչ միայն Գայանե Ավետիսյանը պատմել է իր առաջին համբույրի մասին