Հերթական կրակոցը գազալցակայանում

Դեկտեմբերի 16-ին, կրակոցներ են հնչել Սյունիքի մարզում: Ժամը 18:00-ի սահմաններում Կապան քաղաքի Գարեգին Նժդեհի փողոցի բնակիչ, 24-ամյա Ալեն Բաբասյանը Ձորք թաղամասի գազալցակայանին հարակից տարածքում վիճաբանության մեջ է մտել Ագարակ քաղաքի Չարենցի փողոցի բնակիչ, 40-ամյա Գարիկ Միքայելյանի հետ, որի ժամանակ կրակել է Գ. Միքայելյանին պատկանող Opel Vectra մակնիշի 34 ԼN 104 համարանիշի ավտոմեքենայի ուղղությամբ:
Ինչպես հայտնում է shamshyan.com-ը, տեղեկությունը իմանալով՝ դեպքի վայր են ժամանել Ոստիկանության Կապանի բաժնի օպերատիվ խումբը՝ բաժի պետ Շմավոնյանի գլխավորությամբ:
Ժամանել են նաև Հայաստանի քննչական կոմիտեի Սյունիքի մարզային քննչական վարչության խումբը՝ հատկապես կարևոր գործերով քննիչ Մելիք Քարամյանի գլխավորությամբ:
Պարզվել է, որ վիճաբանությունը տեղի է ունեցել անձնական հարցերի շուրջ, որի ժամանակ էլ Ա. Բաբասյանը իրեն պատկանող գազային օդամղիչ ատրճանակով կրակել է Գ. Միքայելյանի Opel մակնիշի ավտոմեքենայի ուղղությամբ, ինչի հետևանքով վնասվել է հետևի ձախ կողային ապակին:
Ոստիկանների և քննիչների ձեռնարկված օպերատիվ–հետախուզական և քննչական համատեղ միջոցառումների ու անցկացված բացատրական աշխատանքների շնորհիվ Ա. Բաբասյանը ներկայացել է Ոստիկանության Կապանի բաժին, իսկ քննիչին էլ ներկայացրել է գազային օդամղիչ ատրճանակը:

Այս թեմայով Փեսային գնդակահարել են հենց հարսանիքի ժամանակ Աղջիկը պատահաբար գնդակահարել է դստերը Կիսամերկ տղամարդը սրճարանում 4 մարդու է գնդակահարել Կրակոցներ Երևանում․ տեսանյութ Արտակարգ դեպք Երևանում․ հայտնի են կրակողները