«Մանչեսթեր Սիթիի» ֆուտբոլիստները ծաղրել են Իբրահիմովիչին

Անգլիայի ֆուտբոլի առաջնության 16-րդ տուրի «Մանչեսթեր Յունայթեդ» – «Մանչեսթեր Սիթի» խաղից հետո թիմերի մարզիչների եւ ֆուտբոլիստների միջեւ տեղի ունեցած ընդհարումը կապված է եղել Զլատան Իբրահիմովիչի հետ: Այդ մասին նշում է իսպանական Marca թերթը:

«Սիթիի» խաղացողները, նշելով իրենց հաղթանակը, հանդերձարանում բարձրաձայն երգել են, որի ժամանակ ծաղրի են ենթարկել տանտերերի շվեդացի հարձակվողին. «Իբրա, դու շատ խոսում ես, բայց քիչ շարժվում»: «Մանչեսթեր Յունայթեդի» խաղացողները պատասխանել են այդ սադրանքին, ինչը եւ վերածվել է ծեծկռտուքի, որին մասնակցել են մոտ 20 մարդ:

Անգլիայի ֆուտբոլի միությունը կարգապահական գործ է բացել այդ միջադեպի կապակցությամբ եւ ակումբներին պահանջել է գրավոր բացատրություններ տալ: Ինչպես նշում են անգլիական լրատվամիջոցները, «Մանչեսթեր Յունայթեդի» գլխավոր մարզիչ Ժոզե Մոուրինյոն պլաստիկե շշով հարվածել է մրցակցի դարպասապահի գլխին, իսկ ահա թիմի ֆուտբոլիստ Ռոմելու Լուկակուն, ում հասակը 191 սանտիմետր է, իսկ քաշը՝ 94 կգ, իբր հարվածել է «Մանչեսթեր Սիթիի» մարզիչ Միգել Արտետային եւ պատռել հոնքը:

Այս թեմայով Նորություններ Մխիթարյանի առողջական վիճակից Ռոնալդուն առաջին անգամ կարող է պահեստայինների նստարանին մնալ «Ժամանակն է, որ միջազգային հանրությունը ճանաչի մարդկության դեմ այս հանցագործությունը». Հենրիխ Մխիթարյան Մխիթարյանը հայտարարություն է տարածել Բերեզովսկին վերադառնում է. հայտնի է, թե ովքեր կօգնեն Մինասյանին