Լավ քնելու և նիհարելու համար խմեք սա

Ճարպակալումն ու անքնությունը բավական տարածված խնդիրներ են։ Քնի պակասն ու ավելորդ կիլոգրամների կուտակումը կապված են իրար հետ։ Քիչ քնելու արդյունքում արյան մեջ գլյուկոզայի մակարդակը վատ է կարգավորվում, բարձրանում է կորտիզոլի մակարդակը։

Fithacker.ru-ն գրում է, որ արյան մեջ շաքարի մակարդակի բարձրացման հետևանքով մեծ քանակով ինսուլին է արտադրվում, դրան հետևում է ինսուլինակայունությունը, ինչն ի վերջո hանգեցնում է ճարպակալման։ Իսկ կորտիզոլի բարձր մակարդակը մեծացնում է վիսցերալ ճարպը։ Մյուս կողմից՝ ճարպակալումն առողջության հետ կապված մի շարք խնդիրների է հանգեցնում։

Եզնալեզվի սերմերից պատրաստված մանրաթելեր և խնձորի հյութ։ Մանրաթելերը հաճախ են օգտագործվում՝ որպես բնական լուծողական։ Դրանք կարող են խթանել նաև քաշի նվազումը։

Բաղադրիչներ

• 1 խնձոր
• 1 բաժակ սառը ջուր
• 2 թեյի գդալ եզնալեզվի սերմերից պատրաստված մանրաթելեր
• Քառորդ թեյի գդալ դարչին։

Պատրաստման եղանակը։ Խնձորը կտրատեք, խառնեք ջրի հետ, ավելացրեք մյուս բաղադրիչները։

Ալոէ վերա և բալի հյութ։ Ալոէ վերան օգտագործվում է ոչ միայն մաշկային խնդիրների դեպքում, այլև՝ որպես սննդային հավելում։ Այն առողջության համար մի շարք օգտակար հատկություններ ունի, այդ թվում՝ կարող է խթանել քաշի նվազումը։

Բաղադրիչներ

• ալոէ վերայի հյութ՝ 30 մլ
• բալի հյութ՝ 60-120 գրամ
• սառը ջուր։

Պատրաստման եղանակը։ Լավ խառնեք բոլոր բաղադրիչները, օգտագործեք թարմ պատրաստված վիճակում։

Կիտրոնով և իմբիրով ըմպելիք։ Այս երկու բաղադրիչները հաճախ են օգտագործվում այն անձանց կողմից, ովքեր ցանկանում են ազատվել ավելորդ կիլոգրամներից։

Բաղադրիչներ

• վարունգի 5-10 շերտ
• 1 ճաշի գդալ թարմ մանրացրած իմբիր
• 200 մլ ջուր
• 1 կիտրոնի հյութ
• մի պտղունց հիմալայան աղ։

Պատրաստման եղանակը։ Խառնեք վարունգն ու իմբիրը, ստացեք միասեռ զանգված։ Ավելացրեք կիտրոնի հյութն ու աղը։

Տաք ըմպելիք կաթով։ Կաթի պարբերական օգտագործումը սահմանափակ քանակով չի հանգեցնում ճարպակալման, հակառակը՝ կարող է օգնել կանխարգելել այն։

Բաղադրիչներ

• 1 բաժակ կաթ
• 1-2 թեյի գդալ մեղր
• մի պտղունց մշկընկույզ։

Պատրաստման եղանակը։ Տաքացրեք կաթը, ավելացրեք մեղրը, մշկընկույզը, լավ խառնեք։

Նյութը հրապարակման պատրաստեց 168.am-ը