Արտակարգ դեպք «Զվարթնոց»-ում

Երեկ՝ դեկտեմբերի 8-ին, արտակարգ դեպք է տեղի ունեցել «Զվարթնոց» օդանավակայանի տարածքում: Ժամը 05:10-ի սահմաներում նշված օդանավակայանի անտվագության ծառայությունից «Զվարթնոց» օդանավակայանի գծային բաժին տեղեկացրել են, որ Երևան-Վարշավա թիվ 728 չվերթի ինքնաթիռի ուղևորների ստուգման գոտում մի քաղաքացի անկարգություններ է կատարում:

Ինչպես հայտնում է ֆոտոլրագրող Գագիկ Շամշյանը, նշված վայր են մեկնել օպերատիվ խումբը, ովքեր պարզել են, որ նշված չվերթի ուղևոր, Մեծ Բրիտանիայի և Հյուսիսային Իռլանդիայի Միացյալ թագավորության քաղաքացի, Լոնդոն քաղաքի բնակիչ, մասնագիտությամբ իրավաբան, 46-ամյա Առաշ Նասուրինը օդանավակայանի ուղևորների և նրանց ձեռքի ուղեբեռների զննման կետում գտնվելով ոչ սթափ /խմած/ վիճակում հրաժարվել է կատարել զննումը կատարող աշխատակցի օրինական պահանջները:

Shamshyan.com-ի տեղեկություններով՝ այդ ամենը տևել է մոտ 10-15 րոպե, որը զուգորդվել է նաև միմյանց քաշքշելով, որի ժամանակ էլ Ա. Նասուրինը անգլերեն լեզվով հայհոյանքներ է տվել նշված չվերթի ներկայացուցիչ, Երևանի բնակիչ, 27-ամյա Ռաֆայել Շահնազարյանի հասցեին:

Քաշքշոցի ընթացքում Ա. Նասուրինը ստացել է ձախ հոնքի վնասվածք:

Արդեն առավոտյան՝ ժամը 09:30-ի սահմաններում, այս անգամ Ոստիկանություն է դիմել Ա. Նասուրինը և հայտնել, որ թիվ 728 չվերթի ինքնաթիռով մեկնելու ժամանակ ուղևորների և ձեռքի ուղեբեռների զննման գոտում մի քաղաքացի իրենից պահանջել է, որ ինքը կրկնակի զննություն ացնի և այդ հարցի շուրջ սկսել է իր հետ վիճել, որի ժամանակ էլ քաղաքացին ձեռքի հեռախոսով հարվածել է իր ձախ հոնքին, ինչի հետևանքով ինքը ստացել է մարմնական վնասվածք:

Փաստի առթիվ Ոստիկանության «Զվարթնոց» օդանավակայանի գծային բաժնում հետաքննություն է սկսվել:

Գ. Շամշյանի տեղեկություններով՝ Ռ. Շահնազարյանը աշխատում է «ՊՈԼԷՅՐ տուր» ՍՊԸ լեհական ավիաընկերության ներկայացուցիչ:

Այս թեմայով «Գողական տղեք ենք, ի՞նչ ձեւով ես մեզ հետ խոսում». մանրամասներ ծեծկռտուքից Համացանցում են հայտնվել շինհրապարակում տեղի ունեցած զանգվածային ծեծկռտուքի կադրերը․ տեսանյութ Գազալցակայանի տարածքում երեք հոգով ծեծել են երիտասարդին, հայհոյանքներ հնչեցրել մոր հասցեին Ծեծկռտուք՝ պատգամավորների մասնակցությամբ (տեսանյութ) Ուսանողների «ռազբորկան» ավարտվել է դաժան սպանությամբ․ տեսանյութ