Ռոզի Ավետիսովան անկեղծացել է. լուսանկարներ

Ռոզի Ավետիսովան կարծում է՝ երբ սիրում է` գեղեցիկ է: Թե ինչ է սերը, ինչի է պատրաստ հանուն սիրո, ինչ պետք է անել մինչ ամուսնանալը եւ այլ հարցեր ստացել են դերասանուհու հետաքրքիր մեկնաբանությունները:

Սերն ամենաօգտակար թմրանյութն է:

Սեր առաջին հայացքից չկա, բայց սիրահարվել կարելի է:

Սիրահարվածները հաճախ նման են ապուշի, ով միայն բարի արարքի է ընդունակ:

Սիրո եղանակ չունեմ, թեեւ միշտ ձգտում ունեմ դեպի տաքը:

 

 Տղամարդու արտաքինում ինձ կարող են գրավել մատները. միշտ նայում եմ դրանց:

Վանում են անճաշակ կոշիկներն ու անմշակ խոսքը:

Կինը պետք է խելացի, ճկուն եւ հումորով վերաբերվի տղամարդու շատ արարքների:

Կյանքն առանց սիրո անհամ ճաշ է:

Երբ սիրում եմ՝ գեղեցիկ եմ:

Հանուն սիրո պատրաստ եմ մի քիչ համբերել:

Հուսամ` դերասան չի լինի ապագա ամուսինս:

Սիրած էակի կողքին արթնանալը բերկրանք է, եթե, իհարկե, քեզ սպասում է դեռ չզովացած սուրճը:

Սերը բոլոր գույներն ունի:

 

Մինչ ամուսնանալը պետք է անպայման երկուսն էլ միմյանց շատ խմած տեսնեն:

Չգիտեմ` ինչ է նշանակում շուտ ամուսնանալ:

Առաջին համբույրը չհիշվող բան է:

Առաջին ժամադրությունը պետք է լինի տղայի ընտրած վայրում. դա շատ բան է ասում նրա տեսակի մասին:

Տղաներին դուր են գալիս իմ թարթիչները:

Կամուսնանամ, եթե... Կամուսնանամ:

Չեմ սիրում տղաների, ովքեր հումորից զուրկ են:

Բլից հարցերը` Արեւիկ Իսաջանյանի /Bravo.am/
Լուսանկարները` Ռոզիի անձնական արխիվից