«Քիթդ մի խոթիր». Պուտինն Էրդողանին

ԼՐԱԳՐԻ զրուցակիցն է միջազգայնագետ Սուրեն Սարգսյանը

ՀԱՊԿ ղեկավարներն օրերս հանդես եկան Լեռնային Ղարաբաղի վերաբերյալ հայտարարությամբ, որպիսին մինչ այդ չէին արել, որտեղ նշվում է, որ Մինսկի խումբը պետք է զբաղվի հակամարտության կարգավորմամբ հայտնի երեք սկզբունքների հիման վրա՝ ուժի չկիրառում, տարածքային ամբողջականություն և ազգերի ինքնորոշում։ Ձեր կարծիքով ինչու հիմա նման հայտարարություն տարածվեց, սրանից կարելի՞ է ենթադրել, որ Ռուսաստանն ինչ-որ առումով նաև վերանայում է իր մոտեցումը և փոփոխությունների անհրաժեշտություն է տեսնում։

Սա ևս մեկ անգամ վերահաստատում է այն հանգամանքը, որ Մինսկի խմբի համանախագահությանն այլընտրանք չկա։ Մենք պետք է գիտակցենք, որ Մինսկի խումբը միակ հարմար հարթակն է, որտեղ ԼՂ խնդիրը կարող է բանակցվել, և կողմերը կարող են գալ որոշակի համաձայնության։ Մինսկի խմբի վերաբերյալ տարբեր ժամանակներում տարբեր կազմակերպությունների կողմից եղել են հայտարարություններ, ենթադրենք ՄԱԿ-ում Մինսկի խմբի անդամ երկրների դեսպանների մակարդակով, ենթադրենք այս կամ այն միջազգային կառույցներում, խորհրդարաններում և այլն։ Բոլոր դեպքերում մշտապես այդ գնահատականը հնչել է, որ Մինսկի խումբ անփոխարինել կառույց է։
Վերջերս ակտիվացել է նաև Թուրքիան, որ փորձում է Մինսկի խմբի աշխատանքներին միջամտել, անդամակցել կամ ներգրավվել ինչ-որ ձևով, որպեսզի իր ազդեցությունը տարածաշրջանում ուժեղացնի։ ՀԱՊԿ-ը, որպես միջազգային կառույց ևս մեկ անգամ ֆիքսում է, որ ինքը աջակցում է Մինսկի խմբի գործընթացին։ Սա, կարծում եմ, շատ կարևոր հանգամանք է։ Նաև ուզում եմ ձեր ուշադրությունը հրավիրել այն հանգամանքի վրա, որ Ռուսաստանի նախագահը վերջերս Էրդողանի հետ հանդիպման ժամանակ շատ չոր ձևով Էրդողանին բացատրել է, որ ԼՂ խնդրի կարգավորման մեջ Թուրքիան ոչինչ չունի անելու։ Մոտավորապես ասել է՝ քիթդ մի խոթիր ղարաբաղյան խնդրի կարգավորման մեջ։

շարունակությունը՝ կայքում