Հետազոտությամբ պարզվել է, որ հակամանրէային օճառն ու ատամի մածուկը վտանգավոր են. մանրամասներ
LifeՏրիքլոզանը՝ միացություն, որը կիրառվում է որպես կենցաղային հակամանրէային միջոց, վտանգավոր է ոչ միայն միկրոօրգանիզմների, այլ նաեւ մարդկանց համար, հավաստում են ՌԳԱ Տեսական եւ փորձարարական կենսաֆիզիկայի ինստիտուտի գիտնականները:
Նրանք լաբորատորիայի կենդանիների վրա փորձերի մի շարք են իրականացրել, որոնք ապացուցել են հակաբակտերիալ այդ բաղադրիչի վտանգավորությունը նաեւ կաթնասունների, այդ թվում եւ մարդկանց վրա:
Տրիքլոզանի առավելությունը երկար ժամանակ համարվում էր դրա գործունեության ընտրողականությունը. նա ազդում է ճարպաթթուների սինթեզին մասնակցող որոշակի ֆերմենտի վրա, որն առկա է մանրէում, բայց բացակայում է կաթնասունների էուկարիոտիկ բջիջներում: Այդ է պատճառը, որ նախորդ դարի 60-ականներից այդ միջոցը լայնորեն կիրառել են հիգիենիկ միջոցներում՝ համարելով անվտանգ:
Ժամանակի, տվյալների հավաքագրման արդյունքում, պարզ է դարձել, որ տրիկլոզանը ինչ-ինչ ձեւով ազդում է նաեւ կաթնասունների բջիջների վրա՝ նրանց մահվան պատճառ դառնալով: Հետեւաբար, այդ հակաբակտերիալ բաղադրիչը թունավոր է մարդկանց համար, սակայն ազդեցության մեխանիզմը ամբողջությամբ հստակ չէր:
ՌԳԱ ՏՓԿԻ գիտնականները ստուգել են միտոխոնդրիումի՝ էներգիա արտադրող օրգանիկի վրա տրիքլոզանի ազդեցության պատճառով բջիջների մահվան հիպոթեզը: Արդյունքը թեստավորվել է առնետների լյարդի բջիջներից առաջացող միտոխոնդրիումների վրա: Հետազոտողները պարզել են, որ տրիքլոզանի մոլեկուլները փոխգործակցում են միտոխոնդրիումի ներքին մեմբրանի հետ եւ բառացիորեն «նրանցում փոսիկներ կամ ծակոտիներ են անում»:
«Ծակոտիների միջոցով դրսից օրգանիկ են թափանցում տարբեր իոններ եւ մոլեկուլներ, այդ թվում եւ ջրեր: Դրա հետեւանքով միտոխոնդրիումներն ուռչում են, ինչը օրգանիկներից պրոապոպտոտիկ սպիտակուցները (օրինակ՝ ցիտոխրոմ с) դուրս է բերում:
Այդ սպիտակուցները գործարկում են բջիջների մահացության ծրագիրը: Գործնականում դա նշանակում է, որ մեր օրգանիզմում տրիքլոզանի կուտակումը վնասակար ազդեցություն կունենա: Հնարավոր է նաեւ, որ տրիքլոզանն առավել վտանգավոր է կաթնասունների, քան մանրէների համար», - բացատրել են գիտնականները:
Վերջերս ԱՄՆ-ն արգելեց տրիքլոզանի կիրառումը հեղուկ եւ պինդ օճառներ մեջ, բայց կան երկրներ, որտեղ այն շարունակում է կիրառվել, նշել է միտոխոնդրիալ տրանսպորտի լաբորատորիայի առաջատար գիտաշխատող, կենսաբանական գիտությունների դոկտոր Կոնստանտին Բելոսլուդցեւը:
1
2
3
4
5
1
2
3
4
5
1
3
4
5
