Մխիթարյանը զոհ է դառնում. որն է ելքը

Առաջին / Չեմպիոնների լիգայի խաղարկության խմբային փուլի 5-րդ տուրում «Մանչեսթեր Յունայթեդը» ձախողվեց հյուրընկալվելիս՝ 1:0 հաշվով զիջելով շվեյցարական «Բազելին»: Ու թեև այս հանդիպման հայտացուցակում տեղ էր գտել նաև Հայաստանի ազգային հավաքականի ավագ Հենրիխ Մխիթարյանը, այդուհանդերձ՝ մեր ֆուտբոլիստը երեկ չկար նույնիսկ պահեստայինների շարքում:

«Բոլորն անընդհատ հարցնում են բացակայող և ոչ լավ մարզավիճակում գտնվող ֆուտբոլիստների մասին: Երբեք ոչ ոք չի հարցրել, թե ինչու չկա Մարսիալը կամ Քրիս Սմոլինգը: Հարցերը ծագում են այն ժամանակ, երբ որոշ ֆուտբոլիստներ որոշ պահերի չեն խաղում: Պատմությունը միշտ նույնն է: Հիմա մենք ունենք Պոլ Պոգբա, Մարուան Ֆելաինի, Անդեր Էրերա, Նեմանյա Մատիչ ու Սքոթ Մակտոմինեյ: Արդեն պատկերացնում եմ, որ հաջորդ շաբաթ կրկին հարցնելու եք, թե ինչու նրանցից որևէ մեկը չի խաղացել: Մխիթարյանը բաց է թողել «Նյուքասլի» հետ հանդիպումը, քանի որ այդ խաղում մենք շատ տարբերակներ ունեինք: Որոշեցի, որ այդ խաղում պետք է խաղադաշտ դուրս գան Ռեշֆորդն ու Մարսիալը: Շաբաթներ շարունակ հարցն այսպիսին էր` «ինչու նրանք չեն խաղում միասին»: Այժմ դուք հարցնում եք, թե ինչու է բացակայում Մխիթարյանը: Պատասխանը պարզ է՝ քանի դեռ ֆուտբոլի կանոնները չեն փոխվել, ես կարող եմ դաշտ դուրս բերել 11 խաղացողների»,- «Բազելի հետ» հանդիպումից առաջ նշել էր «Յունայթեդի» գլխավոր մարզիչ Մոուրինյոն:

Նշենք, որ Մխիթարյանի մասին հարցը զայրացրել էր պորտուգալացի մասնագետին: Նման պատասխանը ստիպում էր ենթադրել, որ «Բազելի» հետ խաղում նա ոչ մի դեպքում հիմնական կազմում չի ընդգրկի հայ կիսապաշտպանին: Ոչ նրա համար, որ Մխիթարյանը պատրաստ չէ խաղին, այլ հանուն սեփական ամբիցիաների:

շարունակությունը՝ կայքում