Վանաձորի քաղաքապետը՝ ՍԴ որոշման եւ դրա հետեւանքների մասին

«Լրագրի» զրուցակիցն է Վանաձորի քաղաքապետ Մամիկոն Ասլանյանը

Պարոն Ասլանյան, այսօր ՍԴ-ն հակասահմանադրական է ճանաչել Վանաձորի ավագանու նիստերը և այդ նիստերի ընթացքում ընդունված որոշումները: Փաստորեն ապօրինի՞ որոշումներ եք կայացրել:

Ո՛չ (ծիծաղում է): Հակասահմանադրական է ճանաչել 64 հոդվածի երրորդ կետը, և դրանից բխող մեր ընդունած որոշումները և ոչ թե նիստերը, իսկ մենք նիստերն արել ենք օրենքի տառին համապատասխան, որովհետև այս պահին, մինչև ՍԴ որոշման հրապարակումը, այդ գործող օրենքով մենք հենց այդպես էլ պետք է անեինք, բայց քանի որ այդ երրոդ կետը ճանաչել են սահմանադրությանը չհամապատասխանող, ժամկետ են տվել, որ մինչև մարտի 31-ը ԱԺ-ն օրենքի մեջ փոփոխություն անի, և մենք էլ մեր որոշումների մեջ փոփոխություն անենք մինչև մարտի 31-ը: Հետևաբար, մեր նիստերը ճանաչվել են ոչ թե հակաօրինական, այլ նիստերի կողմից ընդունած որոշումները: Որովհետև այն դրույթով, որով մենք նիստը գումարել ենք, ըստ գործող օրենքի՝ դա այս պահին ճանաչվում է հակասահմանադրական, բնականաբար, դրանից բխող որոշումներն էլ պետք է ճանաչվեն հակասահմանադրական: Այնպես որ, ձեր ասած փաստորենը չի:
Ձեր բոլոր որոշումները հակասահմանադրական են: Հիմա ի՞նչ քայլեր եք անելու:
Մեր որոշումները հակասահմանադրական չեն: Դուք ախր մի հատ իրավական տեսակետից նայեք, մենք մեր որոշումները կայացնելիս սահմանադրությամբ չենք էլ այդ պահին առաջնորդվել, մենք առաջնորդվել ենք ՏԻՄ գործող օրենսդրությամբ, իսկ ՏԻՄ օրենսդրությունն ասում է, որ ավագանու բավարար թվով անդամների առկայության դեպքում մենք կարող ենք նիստեր գումարել, հետևաբար, մենք գործող օրենքին համապատասխան ենք մեր որոշումները կայացրել: Եվ ոչ թե մեր որոշումներն են հակասահմանադրական, այլ քանի որ ՏԻՄ օրենքի այդ կետը ճանաչվել է սահմանադրությանը հակասող, դրա հիման վրա ներկայացված որոշումները մինչև մարտի 31-ը պետք է համապատասխանեցվեն սահմանադրությանը:

շարունակությունը՝ կայքում